Rritja vjetore prej 5% është një qëllim absolutisht i arritshëm për ekonominë bullgare. Fqinji ynë Rumania, Republika Çeke dhe Hungaria kanë arritur shifra më serioze, tha për BNR Ministri i Inovacionit dhe Rritjes Daniel Lorer me rastin e fjalimit të parë të Kryeministrit Kirill Petkov në Parlament, në të cilin ai premtoi rritje mbi 5%.

Për të përshpejtuar rritjen, Ministri tha se qeveria e re do t'u sigurojë kompanive akses në fondet e inovacionit të BE-së. Sipërmarrësit bullgarë presin masa për zgjidhjen e problemeve të lidhura me resurset njerëzore. Prandaj, do të investohet në arsimin profesional dhe do të punohet për kthimin e bullgarëve të kualifikuar nga jashtë. Do të tërhiqen gjithashtu punonjës të huaj në ekonominë bullgare, shpjegoi Lorer.