Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Iniciativat bamirëse ngrohin zemrat e vetmuara

| rinovuar më 21-12-24 4.26.MD
Foto: bntnews.bg

Edhe sivjet, në ditën e Krishtlindjeve, fëmijët dhe të rinjtë në jetimoret e tipit familjar, si dhe të akomoduarit në azilet dhe në Qendrën e Krizave të Bashkisë së Sofjes, do ta presin natën e Krishtlindjeve dhe Krishtlindjet me gatime tradicionale të festave.Ngjarjet e bamirësisë janë nën moton "Krishtlindja është për të gjithë", me iniciativë të Kryetares së Bashkisë së Sofjes Jordanka Fandakova.

Në qytetet Samokov (Bullgari Jugperëndimore) dhe Gabrovo (Bullgari Qendrore), vullnetarët kënaqën të moshuarit dhe ata në nevojë me dhurata Krishtlindjesh. Falë nismës bamirëse "Bëhu njeri - Samokov" u mblodhën 800 pako me ushqime kryesore, dhe disa nga vullnetarët personalisht vizituan njerëzit në shtëpitë e tyre dhe siguruan ushqim. Në Gabrovo mblodhën 5000 leva (rreth 2500 euro) për të lumturuar të moshuarit nga vendbanimet e vogla të komunës. Fushata ngrohu zemrat e më shumë se 200 njerëzve në zonë, të cilët morën për tryezën festive ushqime të paketuara, ëmbëlsira, një dhuratë të vogël Krishtlindjesh për shpirtin dhe një kartolinë urimi të pikturuar me dorë nga dora e një fëmije. Iniciativa përfshiu organizata vendase, institucionet kulturore, kishën dhe kompanitë që dhuruan produktet e tyre, si dhe një banor të Gabrovos që jeton jashtë vendit.

Në Trojan (Bullgaria Qendrore Veriore), organizata rinore e Kryqit të Kuq Bullgar organizoi aksionin "Engjëjt" për familjet e vendasve të vdekur nga Covid. Ideja e të rinjve është që familjet jetimë të marrin në shenjë dhembshurie një engjëll prej letre dhe të zbukuruar, i cili simbolizon shpirtin e të dashurit të tyre të ndjerë, i cili është me ta gjatë festave.

Në Lloveç(Bullgari Qendrore Veriore), nxënësit e shkollës së mesme për mësimin e gjuhëve të huaja në qytet gëzuan 65 fëmijë nga qendrat e akomodimit të tipit familjar për fëmijë dhe të rinj. Fëmijët organizuan gjithashtu një koncert bamirësie për Krishtlindjet në mbështetje të një fëmije me paralizë cerebrale dhe një prindi me kancer të rëndë.

Në Kotell(Bullgari Lindore) janë mbledhur gjithsej 613 “kuti të së mirës”, të dërguara nga njerëzit nga i gjithë vendi. Në to, donatorët kanë vendosur një dhuratë sipas dëshirës së tyre, duke përshkruar gjininë dhe moshën për të cilën dhuratat janë të përshtatshme. Përveç donatorëve privatë, nisma përfshiu edhe shtëpi botuese dhe kompani. Më shumë se 550 "kuti të së mirës" u dorëzuan në shkolla dhe kopshte.

Në kishën "Shën Nikolla Çudibërësi" në lagjen “Gramada” në qytetin Blagoevgrad(Bullgari Jugperëndimore), vullnetarët përgatitën dhjetëra pako ushqimore për të varfrit, ndërsa në kishën "Shën Dhimitri" në Strumsko mblidhen fonde për familjet e prekura nga zjarri që shpërtheu në një pallat.




Последвайте ни и в Google News Showcase, за да научите най-важното от деня!

Më shumë nga rubrika

Vanja Grashkina-Minçeva

Rritje e kërkesave për njohjen e diplomave universitare të marra jashtë vendit

Kërkesat për njohjen e arsimit të lartë të përfituar jashtë vendit janë dyfishuar. Këtë e njoftoi Vanja Grashkina-Minçeva, drejtoreshë ekzekutive e Qendrës Kombëtare për Informacion dhe Dokumentacion (NACID), gjatë një seance të komisionit..

botuar më 25-10-28 11.49.PD

Parashikimi i motit për 28 tetorin 2025

Të martën , temperaturat minimale do të lëvizin nga 3 deri në 8°, në Sofje – rreth 4°. Para mesditës , vranësirat do të jenë të dendura dhe në disa zona nga veriperëndimi drejt juglindjes do të ketë reshje shiu. Reshje më të shumta dhe më të..

botuar më 25-10-27 7.35.MD

Prokuroria ngriti akuza të reja ndaj kryetarit të Bashkisë së qytetit Varna, Bllagomir Kocev

Prokuroria ngriti akuza të reja ndaj kryetarit të Bashkisë së qytetit Varna, Bllagomir Kocev, dhe sqaroi disa nga akuzat e mëparshme, raportoi gazetarja e BNR-së, Sillvia Velikova. Pritet që të premten t’i dorëzohen materialet e çështjes, gjë që tregon..

botuar më 25-10-27 2.33.MD