Lideri i partisë GERB dhe ish-kryeministër Bojko Borisov u mor në pyetje në Drejtorinë e Përgjithshme “Policia Kombëtare” pas një sinjali të lëvizjes civile BOEC, lidhur me fotot e qarkulluara para kohe të tufave me kartëmonedha euro dhe shufrave të arit në dhomën e tij të gjumit në Rezidencën “Bojana”. “Unë kurrë nuk kam pasur shufra ari apo nuk i kam blerë ato”, u tha ai gazetarëve pas marrjes në pyetje, duke refuzuar çdo lloj komenti.

“Ky njeri duhet të paraqitet dhe të thotë se kush është Mata Hari, për të cilën ai thoshte se ka hyrë, ka vënë tufat me kartëmonedha euro dhe shufrat e arit në sirtar, i ka fotografuar dhe është larguar”, tha Ministri i Brendshëm Bojko Rashkov në Kuvendin Popullor. Ai shtoi se policia do të përpiqet të përfundojë hetimin pasi prokuroria e ndërpreu.

U mor në pyetje edhe Sevdalina Arnaudova, përgjegjësja për lidhjet me shoqërinë e ish-kryeministrit.