Komisioni për Çështjet Ligjore të Parlamentit Evropian refuzoi të heqë imunitetin e eurodeputetes Elena Jonçeva nga Aleanca Progresive e Socialistëve dhe Demokratëve. Pritet që vendimi të votohet në sallën plenare midis datave 14 – 17 shkurt. Anëtarët e komisionit e arsyetuan vendimin me deklaratat e Jonçeva, se procedura gjyqësore kundër saj ka për qëllim t’i dëmtojë punës së saj politike. “Elena Jonçeva është anëtare e komisionit të lirive civile, drejtësisë dhe punëve të brendshme, ku rregullisht merr fjalën kundër politikanëve në pushtet në vendin e saj dhe kritikon mungesën e veprimeve kundër korrupsionit në shtresat e larta të pushtetit”, theksojnë eurodeputetët.

Prokuroria bullgare i dërgoi një kërkesë Parlamentit Evropian për heqjen e imunitetit të Jonçevës në vitin 2019 me akuzën e pastrimit të parave nga Banka Tregtare e Korporatave e falimentuar.