Gazi natyror do të luajë një rol të rëndësishëm në procesin e dekarbonizimit në Evropën Juglindore dhe do të kontribuojë drejtpërdrejt në tranzicionin e shpejtë të energjisë. Këtë e deklaroi Ministri i Energjisë Aleksandër Nikollov para pjesëmarrësve në takimin e 8-të ministror të Këshillit Konsultativ për Korridorin Jugor të Gazit në Baku. Nikollov theksoi rolin e Korridorit Jugor të Gazit për diversifikimin e burimeve dhe rrugëve të furnizimit me gaz natyror në vendet evropiane. Furnizimet e qëndrueshme nga partneri ynë strategjik Azerbajxhan janë faktor kyç në zbutjen e efekteve negative në ekonomi të shkaktuara nga çmimet e larta të energjisë, tha ministri Nikollov. Sipas tij, në këtë kontekst Bullgaria është e interesuar të marrë sasi shtesë nga Azerbajxhani.