“Në këtë situatë, sjellja e Bullgarisë është relativisht normale. Ajo e deklaron veten si aleate besnike në NATO. Detyrimet tona ndaj Aleancës dhe ndaj parimeve të demokracisë dhe të BE-së nuk duhet të kthehen në një qëndrim armiqësor ndaj Rusisë apo ndonjë vendi tjetër”, tha për Radion Kombëtare Bullgare ish Zëvendëskryeministri dhe Ministër i Mbrojtjes Dimitër Luxhev. Sipas tij, për momentin nuk ka kërcënim të drejtpërdrejtë për luftë.
Nuk pret luftë edhe gazetari Petër Karaboev, zëvendëskryeredaktor i gazetës “Dnevnik”. Karaboev theksoi para Radios Kombëtare Bullgare se Ukraina nuk kontrollon kufirin e saj ndërkombëtar në këtë zonë, ku ndodhen republikat e vetëshpallura dhe tashmë të njohura nga Rusia Donecka dhe Luganska. “Faktet janë të qarta - Marrëveshjet e Minskut janë të vdekur”, tha ai. Karaboev pret që sanksionet e vendosura nga Perëndimi ndaj Rusisë të jenë të kufizuara.
Anton Kisse, një politikan ukrainas me origjinë bullgare dhe deputet në Vërhovna Rada të Ukrainës, i tha BNR se një grup pune në parlament po harton apele për vendet e BE dhe Shtetet e Bashkuara. Ai shtoi se vendi i tij pret më shumë sanksione globale nga komuniteti ndërkombëtar.
“Fatkeqësisht, ne mësuam që ushtarë vdesin çdo ditë në Donbas. Deklarata e Presidentit rus Vlladimir Putin nuk ishte befasi për ne. Ishte fundi i Marrëveshjeve të Minskut dhe qeveria jonë do të ecë përpara më lehtë. Mendoj se Putini do të bëjë një tender me Perëndimin. Fatkeqësisht, këto territore të konflikteve do të jenë një pikë e rëndësishme në këtë ankand. Ky është një konflikt qytetërimesh dhe parash”, tha bullgari etnik Daniell Benatov për BNR në një transmetim të drejtpërdrejtë.
VMRO-ja bëri thirrje për miratimin e menjëhershëm të kartës “Bullgar” - dokument me të cilin bashkatdhetarët tanë dhe familjet e tyre do të mund të vijnë në Bullgari, edhe nëse nuk kanë nënshtetësi bullgare. “Shteti duhet të nisë menjëherë hapat për të lehtësuar marrjen e nënshtetësisë bullgare nga të gjithë bashkatdhetarët tanë dhe familjet e tyre në Ukrainë dhe Moldavi”, theksoi VMRO në një thirrje drejtuar Këshillit të Ministrave, njoftoi BTA.
Një mosmarrëveshje parazgjedhore përçau partitë në pushtet të koalicionit të madh në Rumani Dy muaj përpara zgjedhjeve presidenciale dhe parlamentare në Rumani, socialdemokratët në pushtet dhe liberalët hynë në një mosmarrëveshje. Kjo ndodhi për..
Presidenti Rumen Radev u bëri thirrje përfaqësuesve të institucioneve përgjegjëse për zhvillimin e zgjedhjeve për veprime bindëse kundër blerjes së votave. Në takimin me kreun e shtetit morën pjesë ministri i punëve të brendshme Atanas..
Kryeministri i Republikës së Maqedonisë së Veriut: Nuk do të devijojmë nga anëtarësimi në BE, por nuk do të pastrojmë këpucë Duke vlerësuar 100 ditët e para të kabinetit të tij, kryeministri maqedonas Hristijan Mickoski raportoi se qeveria ia ka..
Abdullah Öcalan propozoi bisedime paqeje me PKK nga burgu Lideri i Partisë terroriste të Punëtorëve të Kurdistanit (PKK), Abdullah Öcalan, i..
Sipas të dhënave nga exit poll-et e të gjitha agjencive sociologjike, GERB-SDS me lider Bojko Borisov është padyshim forca e parë politike. Vitet e..
Në prag të zgjedhjeve të gjashta të parakohshme parlamentare në më pak se tre vjet, vërehet lodhja e qytetarëve bullgarë nga pashpresa menaxheriale...