Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Kreshma e Madhe përgatit besimtarët për festën më të ndritshme – Ringjalljen

Foto: arkiv

Sot fillon Kreshma e Madhe e cila është më e gjatë në vit. Qëllimi i saj është të përgatisë besimtarët për Ringjalljen e Krishtit – festën më të madhe për të krishterët ortodoksë, të cilën këtë vit ortodoksia e shënon më 24 prill.

Kreshmët hapin rrugën drejt Zotit nëpërmjet pendimit. Kreshma e Madhe është një kohë kur jo vetëm duhet të përmbahemi nga disa ushqime të caktuara, por edhe të ruhemi nga mëkatet që na ndotin dhe na largojnë nga Zoti.

Duhet të theksohet se kur respektohet një kreshmë e rreptë, nuk lejohet konsumimi i asnjë ushqimi me origjinë shtazore. Prandaj menyja e atyre që mbajnë kreshmë  përfshin kryesisht bukë, fruta, perime bishtajore, arra, oriz, të gjitha llojet e drithërave, qiqra e të tjera. Gjatë javës së parë dhe të fundit në këtë periudhë është vendosur të respektohen kreshma më të forta dhe atëherë përdoret ushqim pa vaj. Por, ka dhe disa përjashtime, për shembull ditën e shtunë dhe të diel  janë të lejuara vajrat dhe yndyrat bimore dhe vera, por në sasi të kufizuara. Në ditë të caktuara mund të konsumohet peshk - këto janë 25 mars kur është Ungjillëzimi i Hyjlindëses Mari dhe 17 prill - Dita e Dafinave. Është me rëndësi të thuhet, se nga kreshmët janë të liruara gratë me barë, njerëzit me probleme shëndetësore, si dhe fëmijët e vegjël. Dhe më e rëndësishmja - njeriu mund të mbajë kreshme sipas gjendjes së vet shëndetësore dhe veçoritë e organizmit të tij, por me një rëndësi më të madhe është të mos bëjmë mëkate dhe të mos mbajmë ndjenja negative në zemrat tona.

Dyzeta e Madhe kështu Kisha e quan këtë periudhë nga jeta e krishterë. Dhe kjo nuk është e rastit - Krishti e fillon misionin e tij për njerëzimin me një kreshmë 40 ditor, pavarësisht se nuk ka nevojë që të mbaj kreshmë, sepse nuk ka mëkate. Ai e mban kreshmën, për të na treguar  se çfarë rëndësie ka privimin nga ushqimi. Nëpërmjet kreshmës dhe përulësisë, ne rifitojmë të drejtën për të ngrënë nga ushqimi hyjnor - Eukaristia ose Kungimi i Shenjtë për të krishterët - trupin dhe gjakun e Krishtit.

Akoma për kuptimin e kreshmës lexoni në publikimin “Bota Ortodokse po fillon kreshmën më të gjatë të vitit” nga koleksioni i Radio Bullgarisë.

Përpilues: Elena Karkallanova

Përgatiti në shqip: Nataniela Vasileva




Последвайте ни и в Google News Showcase, за да научите най-важното от деня!

Më shumë nga rubrika

Monumenti i Zahari Stojanovit në Kopshtin e Qytetit në Plovdiv

Përfaqësues të komuniteteve bullgare nga Ballkani dhe Evropa Lindore do të takohen në Plovdiv me rastin e Ditës së Bashkimit

Shoqata “Bravo Plovdiv” po organizon një takim të përfaqësuesve të komuniteteve bullgare dhe diasporave nga Ballkani dhe Evropa Lindore në Plovdiv, raporton BTA. Eventi, i cili do të zhvillohet më 5 dhe 6 shtator, i kushtohet Ditës së Bashkimit..

botuar më 25-09-04 5.50.PD

Arsyet për zjarrvënien e Shtëpisë së Partisë edhe sot e kësaj dite mbeten të mbuluara me mister

Mbushen 35 vjet nga një moment emblematik i historisë postkomuniste të Bullgarisë, i cili shënoi dekadat në vijim të tranzicionit të saj drejt demokracisë – zjarrvënia e Shtëpisë së Partisë. Arsyet për atë që ndodhi edhe sot mbeten të mbuluara me..

botuar më 25-08-26 5.10.PD
Foto: Këshilli i Qytetit të Bollgradit/Facebook

Qyteti ukrainas Bollgrad me popullsi mbizotëruese bullgare feston 204 vjet histori

Bollgradi në rajonin e Odesës, Ukrainë, shënon sot, 25 gusht, 204 vjet nga themelimi i tij me një program kulturor në sheshin qendror dhe në institucionet kulturore të qytetit, raportoi BTA. Festimet janë pjesë e një festimi tre-ditor të Ditës së..

botuar më 25-08-25 12.34.MD