Kryeministri Kirill Petkov komentoi në Facebook arrestimet e Bojko Borisovit dhe anëtarëve të tjerë të partisë GERB.

• Ish-Kryeministri Bojko Borisov është ndaluar për 24 orë
  

“Veprimet e Ministrisë së Brendshme tregojnë se askush nuk është mbi ligjin në Bullgari. Unë vetë dëshmova. Prokuroria evropiane është duke hetuar, por do të shohim se ku është Prokuroria bullgare dhe nëse përfundimisht do të jetë në anën e populli bullgar.”

Në parlament, Zëvendëskryeministri dhe Ministër i Financave Asen Vasilev mohoi se kishte pasur represion gjatë arrestimeve. Sipas Vasilev, prokuroria u informua se buxheti u dëmtua me 555 milionë leva (270 milionë euro). Vasilev shtoi se për rastin është informuar edhe Prokuroria Evropiane.

Zëvendëskryeministrja Kornelija Ninova tha se ajo pret që hetimi të kryejë punën e vet dhe mohoi të ishte në dijeni paraprakisht për arrestimet dhe se nuk ndan mendimin se ato janë represion politik.

Presidenti Rumen Radev komentoi se nuk ndërhyn në punën e hetuesve, por nuk mendon se drejtësia ka triumfuar.

Gjatë leximit të deklaratave në sallën plenare parlamentare nga opozita GERB dhe partitë në pushtet të “Partisë së Ndryshimit” dhe BSP-së, pati debat dhe tension.

Kryetari i Kuvendit Popullor Nikolla Minçev dha një pushim prej 20 minutash. Deputetët e GERB dolën nga parlamenti dhe vajtën për të protestuar para Këshillit të Ministrave, ku të pakënaqur tashmë kanë bllokuar qarkullimin në qendër të kryeqytetit. Më pas demonstruesit vazhduan protestën drejt ministrive të financave dhe të brendshme.