Shteti është në kolaps, nuk ka vendime reale në asnjë sektor, njerëzit janë të shqetësuar se si do t'i ushqejnë familjet e tyre, si do t'i paguajnë faturat - thonë prodhuesit e patateve nga qyteti Samokov, të cilët protestuan para Ministrisë së Bujqësisë. Shkaku për pakënaqësinë e tyre u bë një rregullore e votuar nga Komisioni Evropian (KE), sipas së cilës prodhuesit e patateve të tryezës nuk do të marrin përkrahje financiare. Vetëm prodhuesit e patateve të nishestes mund të shpresojnë te kjo mbështetje. Kështu, kultivuesit e patateve në vendin tonë në fakt mbeten pa mbështetje në prag të sezonit të ri bujqësor. Ata deklaruan gatishmërinë e tyre për protesta që në mes të shkurtit. “Nuk kemi asgjë për momentin, po luftojmë vit pas viti, ditë pas dite që të mbijetojë prodhimi ynë. Të gjithë jemi rrezikuar nga falimentimi, vetëm më të fortët do të mbijetojnë në këtë sektor, ata që kanë të ardhura anësore - thotë Ekaterina Çollakova, prodhuese e patateve nga Samokovi.
Sipas saj, këto janë probleme të akumuluara prej 15 vitesh në sektorin e bujqësisë, për të cilat shteti nuk ka gjetur zgjidhje. “Ne investojmë punë dhe para në një gropë pa fund. Tani, pas kësaj proteste, unë dhe bashkëshorti im do të vendosim se çfarë të bëjmë, dhe zgjidhja është të shesim gjithçka, të hipim fëmijët në makinë, të shkojmë jashtë vendit dhe të punojmë shumë në një vend të huaj "- thotë Ekaterina Çollakova.
“Që nga viti i ardhshëm nuk do të ketë përkrahje ndaj prodhuesve të patateve, sepse sipas Brukselit ka mbiprodhim të patateve. Por në Bullgari nuk ka mbiprodhim, patatet që shiten në vendin tonë janë kryesisht të importuara. Në fakt, e gjithë sasia e patateve të prodhuara në Bullgari mund të plotësojë nevojat e vetëm një qyteti, si Plovdiv, dhe vetëm për dy muaj. Shpresojmë vetëm në produktet e importuara. Para dy javësh u takuam me Zëvendësministrin Momçill Nekov. Na siguroi se ata duan të punojnë pikërisht me ne - prodhuesit e vërtetë, jo përmes asociacioneve. Patëm një takim edhe me këshilltarin e Presidentit z. Nikollaj Koprinkov, ai i mori për zemër problemet tona, shpresojmë se do të na përkrahë.”
Përgatiti në shqip: Vesella Mançeva
Ministria e Inovacionit dhe Rritjes prezantoi hartën e parë interaktive të investimeve në Bullgari . Qëllimi i platformës është t'u ofrojë investitorëve bullgarë dhe të huaj informacion të dobishëm dhe të azhurnuar në një vend dhe ta bëjë më të lehtë..
Rritja e ekonomisë kombëtare në tremujorin e dytë të vitit 2025 u përshpejtua me 3.5% në bazë vjetore. Sipas një analize nga Banka Kombëtare Bullgare - BNB nga numri 3 i "Pasqyrës Ekomomike", faktorët kryesorë për përshpejtimin janë rënia e importeve..
Që nga fillimi i vitit, Bullgaria ka përjetuar të nxehta rekord , një seri zjarresh shkatërruese dhe një fatkeqësi të re vetëm disa ditë më parë - përmbytje katastrofike që morën jetë njerëzore. Ndryshimi i klimës tashmë ka çmimin e vet – dhe..
Duke pasur parasysh numrin në rënie të popullsisë në vend, Këshilli Fiskal rekomandon qeverisë të ndërmarrë masa për kursime në Buxhetin 2026. Masat..
Banka Popullore Bullgare raporton një rritje të mprehtë të depozitave të reja të familjeve. Veçanërisht i theksuar është rritja e depozitave në euro...
Pjesërisht me re