Kryeministri Kirill Petkov ka diskutuar për korrupsionin në Bullgari me Presidentin amerikan Joe Biden, njoftoi Kryeministri në Facebook. Ka pasur bisedime për gazsjellësin “Rryma Turke”. "Tre miliardë nga paratë tona janë shpenzuar për tubacionin e dikujt tjetër!" – shkruan Kirill Petkov në Facebook dhe shton se “Korrupsioni është një nga instrumentet për ndikimin e Putinit në Bullgari.”

Në Bruksel, Petkov bisedoi edhe me homologun e tij maqedonas, Dimitër Kovaçevski. Ata shprehën kënaqësinë për dinamikën e bashkëpunimit dypalësh të arritur përmes grupeve të punës, duke përfshirë edhe marrëveshjet e nënshkruara dhe memorandumet e bashkëpunimit.

Kryeministri bullgar bisedoi edhe me Presidentin rumun Klaus Johannis për projektet e infrastrukturës dhe transportit për përmirësimin e lidhjeve midis vendeve fqinje.