Periudha e viteve 2021-2022 është e rëndësishme për Bullgarinë dhe Argjentinën, sepse shënon 90 vjet nga vendosja e marrëdhënieve diplomatike midis të dyja vendeve, vuri në dukje Ambasadori i Argjentinës tek ne Shkëlqesia e Tij Allfredo Atanasov. Përpara ditëve të numëruara ai organizoi takim me miq të të dyja shteteve, në të cilin rikujtoi lidhjet tradicionalisht të mira, por u shënuan dhe drejtimet e reja në zhvillimin e tyre.
Bullgaria dhe Argjentina kanë firmosur 15 marrëveshje për bashkëpunim në sfera të ndryshme - midis dhomave tregtare të të dyja vendeve, në fushat e mbrojtjes, turizmit dhe sportit, për një inkurajim të përbashkët të investimeve në fushën e kulturës, arsimit dhe teknologjive, marrëveshje për një përdorim paqësor të energjisë bërthamore e të tjera. Një rol të rëndësishëm luajnë marrëveshjet vepruese në Bullgari ndërmjet Tregut të Përbashkët të Amerikës së Jugut MERCOSUR, në të cilin anëtarësojnë Argjentina dhe Bashkimi Evropian. Në sfondin e luftës në Ukrainë dhe mungesa e pritur e ushqimeve, Argjentina mund të rrisë eksportet e ushqimeve për në BE, tha ambasadori Atanasov.
Ai vuri në dukje se po përgatisin marrëveshje të reja për bashkëpunim në bujqësi, për të ndihmuar biznesin e vogël dhe të mesëm, për një sigurim social, për njohjen e gradave shkencore. Më 7 shkurt sivjet në Sofje u rinovua gjithashtu dhe marrëveshja mbi bashkëpunimin dhe punën e përbashkët midis ekspeditave në Antarktidë të të dy vendeve.
Dy qytete bullgare dhe dy qytete argjentinase po vëllazërohen
“Më 5 prill u nënshkrua marrëveshja e binjakëzimit mes qytetit Rakovski dhe qytetit të Luhanit në Argjentinë - tha ambasadori Atanasov.Të dy qytetet binjakëzohen sepse ka shumë tema që i bashkojnë në fushën e ekonomisë, kulturës, arsimit, por edhe fesë. Në qytetin Rakovski gjendet bashkësia më e shumtë në numër katolike në Bullgari. Shumë shpejt do të nënshkruajmë edhe një marrëveshje tjetër për binjakëzim midis qytetit bullgar Ruse dhe Beriso në Argjentinë. Këto janë dy qytete, të vendosura në brigje të lumenjve dhe ka shumë çështje, mbi të cilat të këmbejnë përvojë. Në Beriso ka një bashkësi të madhe bullgare. Gjyshi im, për shembull ka jetuar në Beriso pasi ka emigruar nga Bullgaria. Bullgarët aty me të vërtetë janë shumë të denjë.”
Kontributi i diasporës së madhe bullgare në Argjentinë në marrëdhëniet mes dy vendeve
“Ekzistenca e një numri kaq të madh marrëveshjesh mes Argjentinës dhe Bullgarisë tregon nivelin e lidhjes mes dy vendeve. Duhet të pyesim veten pse Argjentina ishte ndër vendet e para që vendosi marrëdhënie diplomatike me Bullgarinë 90 vjet më parë. Mendoj se, një rol të madh në përparimin në këtë drejtim kanë bullgarët e emigruar në Argjentinë, të cilët kanë krijuar grupe, bashkësi dhe shoqata që vazhdojnë të jenë shumë aktive edhe sot. Shumë nga këta bullgarë janë nga brezi i tretë ose i katërt, por i mirëmbajnë lidhjet dhe kujtimet e lidhura me Bullgarinë”- vuri në dukje ambasadori Allfredo Atanasov përpara Radio Bullgarisë.
Ai përmendi konkursin Mbretëresha e Emigrantëve, organizuar në Argjentinë, e cila këtë vit u fitua nga një bullgare - Florencia Lopez Albaran Koçef. Kjo mbretëreshë bukurie do të ketë për detyrë të udhëtojë nëpër Argjentinë dhe të tregojë për kulturën, historinë dhe traditat e atdheut të saj, Bullgarisë.
Përgatiti në shqip: Nataniela Vasileva
Foto: arkiv, Mari Kanalian, berisso.gob.ar
“Shoqata për Identitetin Bullgar” e sapokrijuar u prezantua më 3 tetor në Ambasadën e Bullgarisë në kryeqytetin e Shqipërisë, Tiranë. Shoqata u regjistrua sipas legjislacionit shqiptar në gjykatë më 24 shtator 2024 me adresë në qytetin e Tiranës,..
Pensionistët bullgarë jetojnë në kushte që nuk i lejojnë ta shijojnë plotësisht pleqërinë, ndryshe nga moshatarët e tyre në vendet më të zhvilluara, thotë psikiatri dr. Vlladimir Simov, i cili prej shumë vitesh e ushtron profesionin e tij jashtë..
Sevlievo është "mbretëria e kungujve". Fruta e shijshme rritet me bollëk në këtë pjesë të Bullgarisë Veriore. Jo rastësisht vendasit i kanë kushtuar një festival të veçantë, i cili zhvillohet në kuadër të panairit vjeshtor të Sevlievos. Këtë vit..
Dita e zgjedhjeve në kryeqytetin maqedonas Shkup kalon normalisht, pa radhë në qendrën e votimit. Rreth 50 persona kanë votuar deri në mesditë dhe..
Bullgarët zgjedhin sot 240 deputetë, të cilët do të hyjnë në Asamblenë e 51-të Kombëtare. Për pjesëmarrje në zgjedhje janë regjistruar 19 parti dhe..
Personat me aftësi të kufizuara në Bullgari përballen me shumë vështirësi në jetën e tyre. Por përveç pengesave thjesht fizike, ka edhe pengesa në nivelin..