Në një sërë qytetesh të vendit në lidhje me 9 majin - Ditën e Evropës dhe fitoren mbi nazi-fashizmin, qytetarë dhe zyrtarë mirënjohës bënë homazhe dhe vendosën kurora dhe lule para monumenteve të ushtarëve bullgarë dhe sovjetikë të vrarë gjatë Luftës së Dytë Botërore. Qindra bullgarë u mblodhën edhe para Monumentit të Ushtrisë Sovjetike në Sofje për të nderuar kujtimin e të vrarëve, njofton BTA. Mes tyre ishte edhe ambasadorja e Federatës Ruse në Bullgari Eleonora Mitrofanova, e cila nuk pranoi të komentojë tensionet mes qytetarëve që ishin pranë monumentit. Rreth tij ka një prani të shtuar të policisë, me qëllim parandalimin e përplasjeve midis atyre që erdhën për të nderuar dhe një grupi aktivistësh që brohoritnin kundër të mbledhurve para monumentit.

Herët në mëngjes sot, bojë e verdhë dhe blu u derdh mbi disa figura nga Monumenti i Ushtrisë Sovjetike. Mbishkrimi “ Ushtrisë Çlirimtare Sovjetike” ishte i gërvishtur me llak të kuq gjë pas së cilës u  pastrua shpejt, thekson BTA. Kujtojmë se më 4 maj u parandalua një tentativë për paketimin e monumentit me flamuj bullgar dhe ukrainas, gjë që çoi në përplasje mes kundërshtarëve dhe mbështetësve të idesë së neutralitetit të Bullgarisë në luftën në Ukrainë.