Dezinformimi është një problem sistematik për Bullgarinë, si dhe për vendet e tjera të Evropës Lindore, tha për BNT Ministri i Qeverisjes Elektronike Bozhidar Bojanov. Sipas tij, burimi më i mundshëm i fushatave dezinformuese është pushteti në Rusi.

Në një takim pune me komisionerët dhe ekspertët e BE-së në Bruksel, Bojanov i kërkoi Komisionit Evropian që të detyrojë Facebook-un përmes Aktit të Shërbimeve Digjitale, të sigurojë për vendet informacion për trollët që përhapin lajme të rreme dhe manipuluese dhe ta përjashtojë atë automatikisht. Kjo mund të bëhet duke vendosur kontroll mbi funksionimin e algoritmeve në internet, të cilët sjellin automatikisht lajmet e rreme, shpjegoi ministri.