Lufta në Ukrainë na gjeti në zemër të shumë krizave sepse e kemi lejuar veten të jemi të varur nga Rusia, tha Kryeministri Kirilll Petkov në një panel në Forumin Ekonomik Botëror në Davos. Petkov shtoi se “ne nuk mund t’i përgjigjemi luftës ashtu siç do të donim”, sepse nuk ka mendim strategjik për krahun lindor. Ne nuk kemi korridore nga veriu në jug nëpër të cilët mund të lëvizin trupat apo mallrat. Petkov komentoi se në vitin 2014, kur Rusia aneksoi Krimenë, Evropa kritikoi Moskën, por nuk e zvogëloi varësinë e saj nga ajo. “Me fjalë të tjera, ne e kritikuam atë politikisht, por varësia jonë u rrit”, theksoi Petkov.

• Infrastruktura lejon diversifikimin energjetik të Bullgarisë dhe Ballkanit
  

Në mes të luftimeve të ashpra në Doneck, Presidenti ukrainas Vollodimir Zelenski kundërshtoi me vendosmëri mundësinë që Kievi të heqë dorë nga territoret e tij në këmbim të një marrëveshjeje paqeje me Moskën, për të cilën ish-Sekretari amerikan i Shtetit Henry Kissinger e bëri thirrje në Davos.