Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Një kujtim për njërin prej bamirësve të famshëm të Plovdivit

Foto: plovdivtime.bg

Këtë vit shënohen 160 vjet nga lindja e njërit prej bamirësve dhe dashamirësve më të njohur të qytetit të Plovdivit - industrialistit Dimitër Petrov Kudoglu. I lindur në vitin 1862 në rajonin e Ksanthit në Greqinë Verilindore, ai trashëgoi tregtinë familjare të duhanit dhe u bë një nga tregtarët më të pasur në qytetin е Plovdivit. Kjo e lejoi atë të bëjë një sërë bamirësish. Me vendim të Kuvendit Popullor, magazinat e tij të duhanit iu dhuruan qytetit dhe qiratë e tyre përdoreshin për të mbështetur një institucion të ri mjekësor. Për shtëpinë e tij, industrialisti bleu hotelin “Car Simeon” (“Mbreti Simeon”), ku në vitin 1927 hapi një dispanseri për trajtimin e tuberkulozit dhe sëmundjeve të fëmijërisë. Në vitin 1944, para se të likuidohej fondacioni dhe institucioni mjekësor, fondet e dhuruara prej tij për Shtëpinë e Bamirësisë dhe Shëndetit Publik, që mban emrin e tij, arritën në 41 milionë leva.

Përvjetori i lindjes së Dimitër Kudoglu, data e saktë e të cilit është 21 gushti 1862, bëri që publiku të flasë sërish për veprën dhe trashëgiminë e këtij bullgari të madh. Me idenë e trashëgimtarëve të industrialistit dhe të Bashkisë së Plovdivit, u mor vendimi për restaurimin e monumentit të tij që ka ekzistuar deri në vitin 1949 në Kopshtin e Mbretit Simeon në qytet. Pritet që trashëgimtarët të financojnë zhvillimin e projektit dhe pas koordinimit të tij me Institutin Kombëtar të Trashëgimisë Kulturore të Paluajtshme të vijojnë me zbatimin e tij. Më shumë hollësi për themelimin e institucionit mjekësor, si dhe për fatin e keq të kompleksit arkitekturor në zemër të Plovdivit, do të mësoni nga botimi "Kultura e djegur e qytetit Pllovdiv" nga koleksioni i Radio Bullgarisë.

Përpiloi: Joan Kolev

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Më 10 shkurt nderojmë Shën Harallambi Mrekullibërësin

Më 10 shkurt, Kisha Ortodokse kremton martirin e shenjtë Harallambi Mrekullibërësit, i cili gjatë jetës shëronte të sëmurët dhe me fuqinë e Zotit kreu shumë mrekulli. Në fillim të shekullit të III, Shën Harallambi u bë viktimë e persekutimeve të..

botuar më 25-02-10 5.20.PD
Kapiteni Petko Vojvoda

Një pllakë përkujtimore për nder të Kapedanit Petko Vojvoda do të inaugurohet në Topollovgrad

Me rastin e 125 vjetorit të vdekjes së kapedanit Petko Vojvoda, më 7 shkurt në qytetin Topollovgrad (Bullgaria Juglindore) do të inaugurohet një pllakë përkujtimore me fytyrën e vijvodës, njoftoi BTA. Ajo iu dhurua komunës nga Nasko Gelimaçev dhe është..

botuar më 25-02-06 8.45.MD
Goce Dellçev (1872 - 1903)

E nderojmë Goce Dellçevin – Apostullin e Lirisë të bullgarëve në Maqedoni dhe Trakinë e Edrenesë

Më 4 shkurt, në qytetin Bllagoevgrad (Bullgaria Jugperëndimore) do të mbahet një ritual i vendosjes së luleve për të shënuar 153 vjetorin e lindjes së revolucionarit bullgar Goce Dellçev. Nuk do të ketë festë të përbashkët të përvjetorit me Maqedoninë..

botuar më 25-02-04 5.10.PD