Disa ditë përpara samitit të NATO-s në Madrid në fund të qershorit, katër ministra bullgarë të jashtëm dhe gjashtë zyrtarë ushtarakë u kërkuan autoriteteve bullgare të deklarojnë një qëndrim për sigurimin e armëve dhe municioneve të nevojshme për Ukrainën. Të dhjetët kërkojnë gjithashtu një dislokim të zgjeruar frontal të forcave të NATO-s në vend, miratimin me prioritet të një programi të financuar në mënyrë adekuate për riarmatimin dhe motivimin e punonjësve, si dhe kundërmasa urgjente ndaj operacioneve ruse të informacionit në Bullgari. Apeli këmbëngul edhe për dhënien e garancive që kriza politike që ka shpërthyer nuk do të ndikojë negativisht në fushën e mbrojtjes. Ndër personat që e bënë thirrjen janë Sollomon Pasi, Ekaterina Zaharieva, Bojko Noev, Anju Angellov, Nikollai Nençev dhe të tjerë.