Në një seancë të mbyllur, Kuvendi Popullor dëgjoi Kryeministrin e dorëhequr Kirill Petkov dhe shefat e shërbimeve të specializuara të sigurisë në lidhje me dëbimin e 70 diplomatëve rusë nga vendi ynë. Petkov u raportoi deputetëve se masa ishte rezultat i një procesi të gjatë, i cili filloi në mars të këtij viti, në të cilin morën pjesë shërbimet. “Ideja se ky është një vendim i një njeriu ishte një tjetër përpjekje për manovra politike”, u tha gazetarëve kryeministri i dorëhequr.
Sipas Desisllava Atanasova nga GERB, Kirill Petkov u përpoq të fshihej pas “disa raporteve dhe punonjësve të Ministrisë së Jashtme”. Sipas saj, për askënd në seancë plenare nuk u bë e qartë se si u mor vendimi.
I ngjashëm ishte reagimi i liderit të partisë “Vëzrazhdane”, Kostadin Kostadinov, sipas të cilit deputetët nuk kanë dëgjuar asgjë konkrete.
“Unë personalisht pashë një punë të kryer mirë”, komentoi Hristo Ivanov nga koalicioni bashkëqeverisës “Bullgaria Demokratike”. “U bë e qartë se ky informacion ishte dërguar në Ministrinë e Jashtme dhe ky është institucioni që sipas praktikës normale diplomatike e mori këtë vendim”, shtoi Ivanov.
BSP, partia tjetër në pushtet, nuk pranoi të komentojë mbi seancën, e cila u zhvillua me kërkesën e tyre. Më herët sot, megjithatë, udhëheqësja Kornelija Ninova e përshkroi vendimin e dëbimit si një akt i paprecedentë në historinë diplomatike bullgare, i cili është në prag të ndërprerjes së marrëdhënieve diplomatike me Rusinë.
Lidhur me këto zhvillime, Ambasadorja e Federatës Ruse në Bullgari, Eleonora Mitrofanova bëri një adresë të jashtëzakonshme video në Facebook, në të cilën deklaroi se Qeveria e Federatës Ruse rezervon të drejtën për një përgjigje reciproke, ndoshta asimetrike: “Është shumë për të ardhur keq që qeveria bullgare po përpiqet në një mënyrë të tillë të na fut në grindje me popullin bullgar. Nuk mendoj se kjo mund të ndodhë”, shtoi Mitrofanova.
Detyra më e rëndësishme është të gjejmë një zgjidhje për luftën në kontinentin tonë përmes diplomacisë dhe është e domosdoshme të vendosim paqe të qëndrueshme. Kjo u deklarua nga Presidenti Rumen Radev në kryeqytetin estonez Talin, ku mori pjesë në një..
Ministria e Jashtme dënoi ashpër vandalizmin kundër sinagogës në Varna dhe Monumentit të Mirënjohjes në Burgas, i cili është një shprehje falënderimi për shpëtimin e hebrenjve bullgarë gjatë Luftës së Dytë Botërore. Ministria e bëri të ditur këtë..
Kreu i partisë më të madhe parlamentare GERB dhe ish-Kryeministri i Bullgarisë Bojko Borisov komentoi mbi takimin e tij me Donald Trump Jr., i cili shkaktoi një reagim të gjerë mediatik në vendin tonë: "Takime private me fëmijët e miqve të mi, në një..
Këshilli për bashkëqeverisje shqyrtoi në mbledhjen e sotme projektbuxhetin për vitin e ardhshëm dhe propozimin për rotacionin e kryetarit të Kuvendit..
Paraqita një kërkesë me të cilën tërhiqem nga detyra e kryetares së Kuvendit Popullor, njoftoi kryetarja e parlamentit, Natalija Kisellova, pasi hapi..
Forcat qeverisëse nga GERB–SDS, BSP–Е majta e bashkuar dhe “Ka një popull të tillë” (ITN) nënshkruan një aneks ndaj marrëveshjes së tyre të..
Pjesërisht me re