Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Aktualizimi i buxhetit i Bullgarisë për vitin 2022 është fakt

Nuk ka TVSH për bukën deri më 1 korrik 2023

Foto: BGNES

Pas një takimi të gjatë në ditën e fundit të qershorit, deputetët më në fund miratuan përditësimin e buxhetit të shtetit.

“Në këtë situatë të vështirë politike, parlamenti tregoi përgjegjësinë e nevojshme, buxheti është i vështirë për t’u zbatuar, por mund të zbatohet, janë zbatuar shumë masa antikrizë për familjet, për pensionistët dhe për bizneset”, tha Ministri i Financave Asen Vasilev pas miratimit të kornizës së përditësuar financiare të vendit për vitin aktual.

Kuvendi Popullor miratoi një ndihmë prej 25 stotinka (0.13 euro) për litër karburant të cilin njeriu do të mbushë në makinën e tij nga 1 korriku. Ndihma është e vlefshme për çdo mbushje deri në 50 litra. Kompensimi do të zbatohet për benzinën A-95, naftën pa aditivë, gazin e lëngshëm të naftës dhe gazin natyror.

Të ardhurat e premtuara janë 34.1 miliardë leva (17.4 miliardë euro) - 760 milionë leva (388 milionë euro) më shumë se sa u propozua nga qeveria, dhe shpenzimet janë 21.1 miliardë leva (10, 7 miliardë euro), me një planifikim fillestar prej 20.4 miliardë levash. (10.4 miliardë euro). Kufiri i borxhit të ri shtetëror është rritur nga 7.3 miliardë leva (3.7 miliardë euro) në 10.3 miliardë leva (5.3 miliardë leva) për shkak të të ardhurave të pritura nga TVSH-ja dhe inflacionit. Po rritet edhe shuma e garancive shtetërore për kompanitë “Bulgargaz” dhe “Bulgartransgaz”.

U ra dakord që buka dhe mielli të mos i nënshtrohen TVSH-së. Masa do të zbatohet deri më 1 korrik 2023 për furnizimet e bukës dhe miellit me vend zbatimi në territorin e vendit dhe për importin e mallrave në territorin e vendit.

Janë miratuar edhe tekste me të cilat mund të rriten pagat e punonjësve në Kuvendin Popullor në bazë të kursimeve në buxhetin e tij. U votuan edhe fonde shtesë për shpërblime në departamente të ndryshme, përfshirë Ministrinë e Brendshme dhe fushën e arsimit.

Ministri i Financave saktësoi se deputetët i shtuan 760 milionë leva 2 miliardë levave të premtuara më parë nga qeveria për masat kundër krizës dhe inflacionit.

"Shpresoj shumë që ky buxhet do t'i ndihmojë të gjithë bullgarët që ta përballojnë pak më qetë krizën dhe këto kohë të trazuara. Ky është një buxhet që nga njëra anë ruan komponentin social, nga ana tjetër jep mundësinë për të bërë shpenzimet e nevojshme sociale, në mënyrë që njerëzit që janë në pozitën më të pafavorshme të përballojnë të gjitha krizat”, theksoi Ministri i Financave.

Përpiloi: Diana Cankova

Përgatiti në shqip: Vesella Mançeva

Foto: BGNES


Последвайте ни и в Google News Showcase, за да научите най-важното от деня!

Më shumë nga rubrika

Bullgaria ka pagën minimale më të ulët në BE

Ndër vendet anëtare të Bashkimit Evropian, Bullgaria ka pagën minimale më të ulët në janar - 551 euro. Sipas të dhënave të Eurostat-it, më e larta është në Luksemburg – 2638 euro. Për dhjetë vitet e fundit që nga viti 2015 paga minimale në vendin tonë është..

botuar më 25-02-06 2.31.MD

Konfederata e Sindikatave të Pavarura në Bullgari (KNSB): Më të varfërit në Bullgari vazhdojnë të varfërohen, dhe kjo ndodh me ritme më të shpejta

Situata financiare në vend është kritike, deklaroi para disa ditësh ministrja e re e financave Temenuzhka Petkova. Kështu, lajmet e vogla të mira për ngadalësimin e inflacionit /në bazë vjetore/ dhe rënien e kufijve të Shengenit që nga fillimi i vitit..

botuar më 25-02-03 7.30.PD

Me një shkëmbim prej 12 miliardë eurosh Gjermania është partneri kryesor tregtar i Bullgarisë

Gjermania mbetet partneri më i fortë ekonomik i Bullgarisë. Tregtia mes tyre për vitin 2024 arrin në 12 miliardë euro, tha Tim Kurt, president i Dhomës Gjermano-Bullgare të Industrisë dhe Tregtisë. Në pritjen e Vitit të Ri të Dhomës në Sofje, çmimet e..

botuar më 25-01-31 9.41.PD