Qytetarët u organizuan në rrjetet sociale dhe protestuan mbrëmjen e sotme në Sofje në vendin e një aksidenti të rëndë ku humbën jetën dy vajza të reja. Njerëzit kërkojnë masa kundër mosndëshkimit në rrugët e vendit. Mbrëmjen e djeshme, rreth orës 23:00, një drejtues automjeti ka kaluar në semafor të kuq në një bulevard të kryeqytetit, duke shkaktuar një aksident. Në aksident dy femra të moshës 22 dhe 26 vjeç humbën jetën në vend dhe mbeti i plagosur një shofer taksie. Për aksidentin sot u arrestua Georgi Semerxhiev, ish-futbollisti i ekipit “Levskit”, i cili është larguar nga vendi i ngjarjes. Burri ka precedentë të shumtë penalë, përfshirë të lidhur me drogën. Për shkak të shkeljeve të Ligjit të Qarkullimit Rrugor, atij i është hequr patenta e drejtimit. “Në kryeqytet ka bum të aksidenteve gjatë natës sepse nuk ka kontroll të mirëfilltë fizik. Ka qindra shoferë me mbi 50 kundërvajtje, por ata vazhdojnë të lëvizin me veturat e tyre”, tha për BNR Bogdan Millçev nga Instituti për Siguri Rrugore.