Departamenti Amerikan i Shtetit inkurajon dialogun për formimin e qeverisë – thuhet në një koment të veçantë për BNR lidhur me situatën politike në Bullgari. Zëdhënësi i Departamentit të Shtetit Ned Price tha se “formimi i një qeverie është padyshim një çështje e brendshme politike, por ne jemi gjithmonë në favor të dialogut”. Ai vuri në dukje se “në muajt e ardhshëm, Bullgaria do të duhet të vazhdojë të përballet me një numër sfidash që po bëhen më të mëdha për shkak të luftës së Rusisë në Ukrainë”.

Zëdhënësi i departamentit diplomatik amerikan renditi fushat që janë gjithashtu në qendër të vëmendjes së Uashingtonit: kuadrin legjislativ për Planin e BE-së për Rimëkëmbje dhe Qëndrueshmëri, planet për t’u anëtarësuar në Eurozonë, modernizimin e forcave të armatosura, sigurinë energjetike dhe forcimin e mëtejshëm të superioritetit të ligjit në Bullgari.