Arti i instrumentistit të njohur Dimitër Llavçev dallohet për ndjeshmërinë e jashtëzakonshme, ndërsa tingëllimi i ëmbël i tamburasë së tij prek thellësi të panjohura shpirtërore. Emblematike është nofka e tij Mitko Llavçev – tamburaja e vajtueshme.
Lindi në qytetin Harmanli të Bullgarisë Jugore. Qysh nga fëmijëria e ndiqte dhe e përsoste talentin muzikor të trashëguar nga familja dhe farefisi. Teknikën e luajtjes dhe nxjerrjes së shkëlqyer të tingullit të tamburasë, ai e zotëroi në kohën e mësimit në Shkollën Kombëtare për Arte Folklorike “Filip Kutev” – Kotell nga mësuesi i tij Minço Nedjallkov, i cili që atëherë me krenari e njohu me nxënësin e tij më të mirë. Përderisa studionte në Akademinë e Muzikës, Valleve dhe Arteve Pamore “Prof. Asen Diamandiev” – Plovdiv, ai mori çmimin e parë nga Konkursi i Talenteve të Rinj në qytetin Çirpan (1977). Dimitër Llavçev pasuroi potencialin e tij krijues me pjesëmarrje në koncerte, dasma në partneritet me klarinetistin Ivo Papazov dhe kolegë nga orkestrat e njohura të Trakisë, me muzikantë nga Ansambli i Këngëve dhe Valleve Popullore “Trakija” – Plovdiv. Ai është themelues dhe udhëheqës i Formacionit të Dhomës “Harmanlijska trojka” (Treshja nga Harmanli), luan në tambura edhe në Grupin Instrumental “Bëllgari”, me të cilin jep koncerte anë e mbanë botës, është solist shumëvjeçar i Orkestrës së Muzikës Popullore të Radios Kombëtare Bullgare.
Dimitër Llavçev së fundmi festoi përvjetorin e tij të 70-të, gjë që e rikthen në kujtime të bukura që fillojnë me mësuesit e tij:
“Ata kanë një kontribut të madh. Me respekt mbaj mend mësuesit e mi, drejtorin e shkollës në Kotell – Vlladimir Vlladimirov. Më vonë u krijua një shkollë në Shiroka Llëka nga ku dolën shumë talente, por ne ishim pionierët. Më i rëndësishmi për zhvillimin tim ishte Minço Nedjalkov. Përveç aftësive teknike, mora edhe tonin e këndshëm prej tij. Me tamburanë e tij ai sikur “tregon”, një ton më të ëmbël se të tij nuk e kam dëgjuar kurrë. Një muzikant duhet së pari të ndjejë shpirtin e tij, më pas të ndiejë instrumentin dhe së bashku të “tregojnë” me imagjinatë për botën. Ky është thelbi i mjeshtërisë.”
Një ëndërr e realizuar për muzikantin Dimitër Llavçev është pranimi i tij në Orkestrën për Muzikën Popullore të Radios Kombëtare Bullgare, ku është koncert mjeshtri deri në pensionimin e tij. Jo një herë drejtonte orkestrën gjatë incizimeve të orkestrës në studio. Si solist dhe kompozitor ai la një repertor të pasur të incizuar për fondin e Radios Kombëtare.
“Ishte një arritje për mua – të bashkohesha me një grup mjeshtrash, të cilët me ndihmën e Kosta Kolevit dhe emrave të tjerë të mëdhenj u shndërruan në një orkestër të mrekullueshme. Tani jam mjaft i impresionuar me shkollat ku mësuesit kanë nxënës të mrekullueshëm me potencial të madh. Unë jam i hapur për të gjithë të rinjtë, do të isha i lumtur të ndaj atë që kam mësuar. Rekomandimi im është që ata të hapin shpirtin për muzikën. Të mos kërkojnë vetëm fitim, por të dinë se nuk ka gjë më të madhe se sa të ndjesh se po “flet” me shpirtin, se po “pikturon tablo” me muzikën tënde.”
Përgatiti në shqip: Svetllana Dimitrova
Javët Muzikore të Sofjes janë një nga forumet kulturore më jetëgjata dhe të afirmuara në Bullgari. Pavarësisht vështirësive të shumta në historinë e tij mbi 50-vjeçare, festivali vazhdon të gëzojë interesin e mijëra dashamirësve të muzikës klasike nga e..
Tradicionalisht, më 24 maj – Dita e Vëllezërve të Shenjtë Kirill dhe Metodij, e alfabetit bullgar, arsimit dhe kulturës, si dhe e letërsisë sllave, festohet në Romë, ku vepra e mësuesve të parë sllavë mori bekimin e Papës Adrian. Në përbërjen e..
Innerglow - grupi rok, muzika e të cilit përzien tingujt elektronikë me instrumente live, prezanton këngën e tyre të re "Njeriu i Shpikur". Në të merr pjesë edhe Svilen Noev, vokalisti i njohur i grupit Ostava. Djemtë nga Innerglow janë fansa të..
Producenti muzikor Atanas Zajkov, i njohur si Atazar, na ofron këngën e tij më të fundit "Krisi pushka". Në të marrin pjesë këngëtaret Bisera dhe..
Një premierë e rëndësishme dhe një debutim emocionues priten më 19 qershor në orën 19:00 në sallën "Bullgaria" të kryeqytetit. Letonezja Ksenija..
Turneu i Duetit "Riton" po vazhdon. Ai mbahet nën emrin e albumit të tyre të fundit "Po ndodh diçka", album ky i cili përmban dhjetë këngë të reja..