Pamja reale e korrupsionit në nivelet më të larta të pushtetit mbetet e fshehur dhe procedimet penale nuk pasqyrojnë gjendjen e vërtetë të korrupsionit në sektorin publik në nivel të lartë, thuhet në raportin vjetor të Fondit Kundër Korrupsionit. Sipas analizës vitin e kaluar nuk ka asnjë hetim të nisur dhe të zhvilluar për një krim korrupsioni të drejtuar ndaj një zyrtari të lartë. Dhe raporti i dënimeve efektive ndaj lirimeve në proceset që përfshijnë nivele të larta pushteti është 3 me 14. Pavarësisht nevojës për ndryshime legjislative, ato nuk u zbatuan për shkak të jetëgjatësisë së shkurtër të disa parlamenteve, shtohet në raport.