Për zgjedhjen e kryetarit të ri të Komisionit për Rregullimin e Energjisë dhe Ujit do të duhen dy deri në tre javë, parashikon Radosllav Ribarski, kryetar i komisionit parlamentar për energjinë dhe deputet nga “Po e vazhdojmë ndryshimin”. Kjo praktikisht do të thotë se në atë kohë rregullatori nuk do të funksionojë. “Sapo të publikohet vendimi i Gjykatës Kushtetuese në Komisionin e Energjisë jemi gati për të pranuar rregullat për zgjedhjen e kryetarit të ri të Komisionit”, tha deputeti për BNR. Pas kësaj, ato duhet të shqyrtohen në sallën plenare dhe vetëm atëherë do të fillojë afati për paraqitjen e kandidaturave për kryetar. Radosllav Ribarski shtoi se emrat ende nuk janë diskutuar dhe pranoi se kryetari aktual Stanisllav Todorov mund të mos propozohet nga “Po e vazhdojmë ndryshimin”.

• Kryetari i Rregullatorit të Energjisë është i zgjedhur në mënyrë të paligjshme
  
• Vendimet për energjinë elektrike, ngrohjen dhe gazin janë të vlefshme