Për shkak të një projekti problematik në Ministrinë e Punëve të Brendshme me një prokurim publik të shpallur, për të cilin nuk është gjetur kandidat kontraktor, mund të vonohet pagesa e parë në kuadër të Planit të Rimëkëmbjes dhe Qëndrueshmërisë, njoftoi zëvendëskryeministri për Menaxhimin e Fondeve Evropiane Atanas Pekanov. Mjetet me vlerë prej 1.3 miliardë euro priten deri në fund të vitit. Ato janë të parashikuara në buxhet, ndaj mosmarrja e tyre në kohë do të jetë problem për vendin tonë. Ministria do të kërkojë zgjidhje për këtë rast së bashku me Komisionin Evropian, njoftoi reporterja Marta Mlladenova. Në fillim të vitit 2023 presim një pagesë të dytë sipas planit prej 724 milionë eurosh.