Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Vëllazëria e Bardhë dhe Vallja e Diellit në Rilla

Foto: EPA/BGNES

Qindra njerëz me veshje të bardha, të renditur në formën e një rrethi janë duke vallëzuar me shikim drejtuar diellit - këtë pamje të paharrueshme do ta shohë kushdo që viziton Shtatë Liqenet e Rillës në gusht. Rituali quhet “Paneuritmia” dhe përmes tij ndjekësit e mësuesit Petër Dënov lidhen me natyrën dhe njëri-tjetrin.

Më 19 gusht anëtarët e Vëllazërisë së Bardhë mirëpresin Vitin e Ri Diellor dhe për këtë qëllim në zonën e liqenit "Veshka" mblidhen njerëz nga e gjithë Bullgaria dhe bota, të cilët së bashku kryejnë 28 ushtrimet e Paneuritmias nën tingujt e një muzike speciale.

Emri “Paneuritmia” e ka origjinën nga tre rrënjë - "pan" që do të thotë "e tërë, kozmike", "eu" - thelbi i vërtetë i gjërave, dhe "ritmia", që mban në vetvete idenë e muzikës së veçantë. Kur interpretohet nga shumë njerëz, Paneuritmia kërcehet në rrathë, që simbolizon bashkimin midis njerëzve dhe natyrës.

Petër Dënov, i njohur në mbarë botën edhe si Beinsa Duno (1864-1944), është krijuesi i një forme të vet të krishterimit ezoterik, e cila fitoi popullaritet të gjerë përtej kufijve të Bullgarisë.

Udhëheqësi shpirtëror bullgar më me ndikim ka lindur në familjen e priftit Konstantin Dënovski. Shkollimin e mesëm e kreu në Svishtov, më pas studioi në Universitetin e Bostonit në SHBA. Pas kthimit në Bullgari, Petër Dënov shkroi librin e tij të parë "Shkenca dhe edukimi", botuar në 1896. Në vitin 1914 ai mbajti fjalimin e tij të parë publik, me të cilin filloi serinë e leksioneve të së dielës "Forca dhe jeta". Për 30 vjet, në 1600 predikime të së dielës, ai foli për pesë virtytet kryesore në mësimet e tij - të vërtetën, dashurinë, drejtësinë, mençurinë dhe virtytin.

Përpiloi: Elena Karkallanova

Përgatiti në shqip: Vesella Mançeva

Foto: EPA/BGNES, arkiv




Последвайте ни и в Google News Showcase, за да научите най-важното от деня!

Më shumë nga rubrika

Presidenti Rumen Radev do të marrë pjesë në prezantimin e një botimi fototip të "Almanakut Maqedonas"

Presidenti Rumen Radev do të marrë pjesë sot, 2 tetor, në prezantimin zyrtar të një botimi fototip të "Almanakut Maqedonas" të Organizatës Patriotike Maqedonase me rastin e 85-vjetorit të origjinalit. Prezantimi i botimit fototip të veprës së..

botuar më 25-10-02 4.45.PD

Ushtarët bullgarë nderuan heroizmin e paraardhësve të tyre në Kajmakçallan

Një ritual ushtarak në nderim të heronjve të rënë në betejat e Kajmakçallan-it u zhvillua në majën me të njëjtin emër, në kufirin midis Maqedonisë së Veriut dhe Greqisë, njoftoi Ministria e Mbrojtjes. Gjatë Luftës së Parë Botërore, në vitin 1916, në..

botuar më 25-10-01 1.12.MD

Silistra shënon 85 vjet që kur Dobruxha Jugore iu rikthye Bullgarisë

Një ceremoni solemne do të mbahet në Silistra më 1 tetor për të shënuar 85-vjetorin e kthimit të Dobruxhës Jugore në Bullgari, raportoi BTA. Përfaqësues të autoriteteve lokale dhe qendrore dhe qytetarë do të vendosin lule para monumentit të..

botuar më 25-10-01 5.25.PD