Numri i turistëve të huaj në bregdetin jugor të Detit të Zi është rritur me 97% krahasuar me sezonin veror të vitit të kaluar, sipas të dhënave të Aeroportit në Burgas. Më e madhja - 60% - është rritja e pushuesve polakë. Grupet e organizuara nga Britania e Madhe kompensojnë mungesën e 300 000 turistëve nga Rusia, Ukraina dhe Bjellorusia, tha drejtori i Aeroportit Georgi Çipillski. Sipas tij, sezoni turistik këtë vit do të zgjatet deri më 31 tetor, kur është planifikuar fluturimi i fundit çarter. Në fund të verës priten të ftuar kryesisht nga Polonia, Hungaria dhe Izraeli. 1.1 milion njerëz janë pasagjerët e shërbyer deri më tani në Aeroportin e Burgasit, tha gjithashtu drejtori i tij.