Albumi i dyfishtë "Të rritesh me Rahmaninov" përmban “Etyde – Piktura” (Études-Tableaux) të pianistit dhe kompozitorit të madh rus Sergej Rahmaninov. Interpretuesit janë nxënës të Antonina Bonevës - frymëzuese dhe mentore e projektit, mësuese dhe interpretuese e njohur. Ky është integrali i parë i “Etyde – Piktura” i regjistruar në Bullgari. Projekti do të prezantohet në tre koncerte radhazi - më 24 gusht në sallën e dhomës "Bullgaria", më 27 gusht në sallën e bibliotekës në Stara Zagora, më 29 gusht - në Sozopol, në Festivalin Ndërkombëtar të Arteve "Apolonia".
Sergej Rahmaninov kompozoi "Etyde-Piktura" në vitet para se të zgjidhte jetën e emigrantit. Dihet se kompozitori dhe pianisti i madh, me rrënja fisnike, është larguar nga Rusia në fillim të vitit 1918, së bashku me familjen e tij, duke lënë të gjithë pasurinë e tij. Fillimisht ka jetuar në Evropë dhe më pas në SHBA, ku vdiq në moshën 69-vjeçare. Ai krijoi serinë e parë të "Etyde-Piktura", opus 33, në vitin 1911, dhe e dyta, e përfunduar në 1917, doli të ishte e fundit e tij e kompozuar në atdhe. Këto vepra janë pjesë integrale e repertorit të pianistit, por performancat dhe regjistrimet integrale janë një dukuri e rrallë në mbarë botën.
“Meqenëse etydet nga Opusi i 39 janë jashtëzakonisht të vështira, kam kontaktuar me tre nga studentët e mi që aktualisht ndodhen në vende të ndryshme të botës, por po vazhdojmë të punojmë së bashku, edhe pse jo aq shpesh. Elvis Vasilev ndodhet në Kuvajt, jep mësim, së shpejti do të fillojë të japë koncerte. Dy të tjerët kanë përfunduar masterin, kanë një diplomë bachelor - ata janë Teodor Pazov në Hamburg dhe Roberto Iliev në Madrid. Ata e pranuan idenë me kënaqësi, duke luajtur etydet nga cikli i dytë.
Merita dhe ideja për diskun i takon Daniella Kallajxhievës, e cila në fakt është menaxhere e projektit. Ajo gjithashtu përgatiti dokumentet për aplikim në Fondin Kombëtar “Kultura”. Jemi jashtëzakonisht mirënjohës që ata e miratuan, pa ndihmën e tyre nuk do të kishim sukses. Albume të tilla integrale në mbarë botën janë të rralla. Prandaj kjo është një kontribut i mirë i Shkollës Bullgare të Pianos. Ky integral doli përtej pritjeve të mia, jam shumë e lumtur”.
Përgatiti në shqip: Vesella Mançeva
Foto: pixabay, arkiv, arkiv personal
Si një emër tashmë i njohur në skenën muzikore bullgare, Grafa gjithmonë mbështet artistë të rinj dhe të talentuar. Kënga e tij më e re, “Secili prej nesh”, është një duet me Robi – një këngëtar shumë i njohur nga brezi më i ri i artistëve...
Bukuroshja gjeorgjiane me një zë të mrekullueshëm mezzosoprano, Ekaterine Buachidze dhe baritoni karizmatik rumun Mihai Damian, janë mbajtësit e çmimit të parë në kategorinë “Opera” të konkursit të famshëm të këngëtarëve “Operalia”, i cili u zhvillua..
Kur dy emra yjesh bashkohen në një duet, suksesi është i sigurt. Kështu ndodhi me këngën nga Miro dhe ALMA “Më shumë”, dhe me siguri i njëjti fat do të ndiqet edhe nga bashkëpunimi i tyre i dytë – “Atje”. Kënga është krijuar gjatë kampit krijues Sofia..
Popullarizimi dhe interpretimi i muzikës popullore bullgare prej kohësh është misioni i këngëtares, dirigjente dhe pedagoge, Neli Andreeva . Ajo..
“Çdo njeri beson ndryshe në Zot. Në forcën që ne e quajmë Zot” – thotë në një intervistë për gazetën “Trud” në vitin 2017 Janka Rupkina – një nga..
Më 16 nëntor 2025 në orën 19:30 në katedralen katolike "Shën Jozefi" në Sofje do të mbahet një koncert barok, i dedikuar festës së mbrojtëses së muzikës..
Pjesërisht me re
Vranësira të dendura
Mjegull