Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Bullgaria shënon Ditën Ndërkombëtare të Shkabës me një festë dyditore

Foto: Shoqatës Bullgare për Mbrojtjen e Zogjve

Sot në Bullgari hasen tre lloje shkabash – kokë bardhë (grifon), egjiptiane dhe relativisht rrallë - i zi.Vitin e kaluar, gjatë monitorimit të rregullt të shpendëve, ekspertët e Shoqatës Bullgare për Mbrojtjen e Zogjve  njoftuan se në territorin e vendit tonë janë numëruar 107 palë shkaba grifon, që shënon një rritje gjatë viteve të fundit. Mbrojtësit e natyrës na kujtojnë se shkabat janë "pastruesit e natyrës" dhe janë thelbësore për funksionimin normal të ekosistemeve.

Për të theksuar rëndësinë e këtyre shpendëve të vlefshëm për jetën e egër, të cilët janë ndër speciet që zhduken më shpejt në planet, që nga viti 2008, çdo të shtunë të parë të shtatorit, bota feston Ditën Ndërkombëtare të Shkabave. Sipas traditës në Bullgari kjo do të jetë një festë dyditëshe/më 3 dhe 4 shtator/ në qendrën për Mbrojtjen e Natyrës “Rodope Lindore” rreth Maxharovos. Organizatorë janë Fondacioni  “Rodope më të egra”, Shoqata Bullgare për Mbrojtjen e Zogjve dhe Bashkia e qytetit.  Janë parashikuar punëtori teatrale, atelie krijuese, prezantime, një shëtitje me këmbë për vërejtjen e zogjve, ekspozitë dhe aktivitete të tjera të ndryshme për të mëdhenj e të vegjël - adhurues të natyrës. Miqtë do të kenë mundësi të marrin pjesë dhe në leksionin “Fotografim të shpendëve - këshilla dhe marifete” të Sergej Panajotovit, i cili fotografon shpendë në mjedisin e tyre të natyrshëm tanimë 25 vjet.

Në Rodopet Lindore janë ndërtuar 3 foto-strehime në vendet ku ushqehen zogjtë. Duke i përdorur ato, ne mund të mbështesim drejtpërdrejt mbijetesën e zogjve të rrallë grabitqarë në rajonin e Maxharovos. Vendet e fshehta janë projektuar posaçërisht për fotografimin e shkabës grifon, shkabën egjiptiane dhe shkabën e zezë, si dhe shqiponjat shkëmbore dhe të detit. Përveç kësaj mund të bëhemi dëshmitarë dhe të llojeve të tjerë të rrallë dhe të mbrojtur mes të cilëve çakalli, huta bisht bardhë, korbi, sorra e zezë, dhelpra, kurse shanset për të fotografuar një ujk janë ndër më të lartat në Evropë, sipas Qendrës së Ruajtjes së Natyrës të Rodopeve Lindore.

Përpiloi: Vesella Krësteva



Последвайте ни и в Google News Showcase, за да научите най-важното от деня!

Më shumë nga rubrika

Facebook/ Fondacioni Kujtesa Bullgare

Të diplomuar në Bullgari, mjekët e Prespës së Vogël kthehen për të ndihmuar bashkatdhetarët

Për të tretin vit rradhazi, dhe për herë të dytë brenda dy muajve të fundit, një grup mjekësh bullgarë vizitoi Pustecin e Korçës për të ofruar shërbime mjekësore falas për banorët e zonës. Kjo nismë, e cila tashmë është kthyer në një traditë,..

botuar më 25-10-25 5.25.MD

Shijet e vjeshtës defilojnë në një festival kulinarie në Sofje

Mbrëmjet e freskëta të vjeshtës na japin një arsye për t’u zhytur në atmosferën e ngrohtë të restoranteve të Sofjes dhe për të provuar shije të reja, të frymëzuara nga tendencat kulinare botërore. Një platformë e njohur italiane e udhëtimeve..

botuar më 25-10-25 8.05.PD

Do të flemë një orë më shumë më 26 tetor

Në orën 04:00 me orën e Bullgarisë, më 26 tetor 2025, duhet të kthejmë akrepat e orës një orë pas. Kjo do të thotë një orë më shumë gjumë, por ajo nuk e eliminon stresin që trupi përjeton si rezultat i ndryshimit të orarit biologjik – theksojnë..

botuar më 25-10-25 7.10.PD