Tetë parti do të hyjnë në Parlament, pas votimit të së dielës

botuar më 22-09-30 11.38.PD

Foto: arkiv

Nisur nga situata në Bullgari dhe në mbarë botën, janë të mundshme luhatje serioze për zgjedhjet e së dielës. Këtë e tregon fotoja e qëndrimeve paraelektroale pak ditë para votimit. Vlerësimet janë se rreth 2.6 milionë njerëz, rreth 39% e listës zyrtare, do të marrin pjesë në zgjedhje. Një përqindje shumë e vogël prej tyre pritet të zgjedhë "Unë nuk mbështes askënd". Të dhënat janë nga një anketë përfaqësuese kombëtare nga "Gallup International Balkan", e kryer për Radion Kombëtare Bullgare në periudhën 20-27 shtator me 1009 bullgarë të rritur përmes një interviste të drejtpërdrejtë “ballë për ballë”.

Sipas sondazhit, nëse zgjedhjet do të mbaheshin në dhjetëditëshin e fundit të shtatorit, GERB-SDS do të merrte 25.8% të votave për partitë, koalicionet apo kandidatët e pavarur, "Po e vazhdojmë ndryshimin" - 16.6%, dhe DPS dhe " Vëzrazhdane” përkatësisht 13. 2% dhe 12.8%. BSP është me 9,2% dhe “Bullgaria Demokratike” me 7,8%. Ata pasohen nga “Ka një popull të tillë” me 4,2% dhe “Ngritja bullgare” me 4%. Më poshtë renditen “Ngrihu, Bullgari” dhe VMRO, me 1.9% dhe 1.2%. Pritet që edhe formacione të tjera të shënojnë një rezultat të ngjashëm nën barrierë.

Këtë e tregon sondazhi Gallup International Balkan i kryer për Radion Kombëtare Bullgare nga data 20 deri më 27 shtator në mesin e 1009 bullgarëve të rritur.

Ivan Kënçev: Bullgarët e kemi humbur ndjenjën se diçka varet nga vota jonë

Последвайте ни и в Google News Showcase, за да научите най-важното от деня!

Ndaje

Tetë parti do të hyjnë në Parlament, pas votimit të së dielës

Më shumë nga rubrika

Rosen Zheljazkov: “Arsimi dhe shëndetësia cilësore do të jenë prioritet i qeverisë së re”

Çfarë përfshin marrëveshja e koalicionit për qeverinë e ardhshme?

Ngjarjet me adresë ballkanike