Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Bullgarët brenda dhe jashtë vendit zgjedhin sërish një parlament

Mbi 1000 vëzhgues ndërkombëtarë monitorojnë drejtësinë e procesit zgjedhor në vendin tonë

Në orën 7:00 filloi dita e zgjedhjeve, në të cilat bullgarët duhet të zgjedhin 240 përfaqësuesit e tyre në Legjislaturën e 48-të Kuvendit Popullor. Ky është votimi i katërt parlamentar në 18 muajt e fundit.


Në garën e parakohshme parlamentare marrin pjesë 22 parti dhe 6 koalicione. Kandidatët për deputetë janë 6624, mbizotërojnë kandidatët meshkuj (4670), femrat janë 1954. Ata do të luftojnë për votat e pak më shumë se 6.6 milionë votuesve. Të drejtën e votës në zgjedhje e kanë shtetasit bullgarë që kanë mbushur moshën 18 vjeç, të cilët nuk janë në provë dhe nuk janë duke vuajtur dënim me burg. Personat me status të rezidentëve të përhershëm në Republikën e Bullgarisë, të cilët nuk janë shtetas bullgarë, nuk kanë të drejtë të votojnë në zgjedhjet për përfaqësues të popullit.


Votimi kryhet me makina në të gjitha qendrat e votimit me mbi 300 zgjedhës.

Në vend ka 11 636 qendra votimi, nga të cilat 9.396 janë të pajisura me nga një makineri dhe në 2 240 do të mund të votohet me dy pajisje elektronike, ka llogaritur BGNES.

755 vendvotime do të hapen në 62 shtete jashtë vendit, njoftoi Ministri i Punëve të Jashtme nga qeveria teknike Nikollaj Millkov. Në 300 prej tyre votimi do të bëhet me makineri, në të tjerat do të përdoren fletëvotime prej letre.

Sipas ligjit, dita e zgjedhjeve përfundon në orën 20:00, por jo më vonë se ora 21:00, kur para seksionit ka votues që ende nuk kanë votuar.

Katër agjenci sociologjike do të bëjnë sondazhe në ditën e votimit, por rezultatet e exit poll-ve do të shpallen pas përfundimit të ditës së zgjedhjeve. Komisioni Qendror i Zgjedhjeve (KQZ) duhet të shpallë votat e marra dhe ndarjen e mandateve ndërmjet partive dhe koalicioneve jo më vonë se 4 ditë pas votimit.

Mbi 1000 vëzhgues ndërkombëtarë dhe 18 organizata janë duke e monitoruar drejtësinë e procesit zgjedhor në vendin tonë, tha Rosica Mateva, zëvendëskryetare e KQZ-së.

Sot në publiket e saj në dhjetë gjuhë Radio Bullgaria do të pasqyrojë ditën e zgjedhjeve brenda dhe jashtë vendit dhe do t'u japë një platformë bashkëbiseduesve me këndvështrime të ndryshme për procesin zgjedhor në Bullgari.

Përpiloi: Elena Karkallanova

Përgatiti në shqip: Vesella Mançeva

Foto: BGNES, arkiv



Последвайте ни и в Google News Showcase, за да научите най-важното от деня!

Më shumë nga rubrika

Hungaria, vitet '30 të shekullit të 20-të

Bullgarët në Hungari me një festë të dyfishtë – Ditën e Miqësisë dhe marrjen e certifikatës së UNESCO-s për traditën e tyre të kopshtarisë

17 tetori 2025 do të hyjë në histori si data në të cilën Ministri i Kulturës i Hungarisë paraqiti dokumentin që regjistron zyrtarisht Traditën e Kopshtarisë Bullgare në Hungari në Regjistrin e Trashëgimisë Kulturore Jomateriale të UNESCO-s. Ky..

botuar më 25-10-19 9.05.PD

Gara më e madhe ndërkombëtare e dhomave escape po zhvillohet në Sofje

Sofja po pret finalen e ER Champ 2025 – gara më e madhe ndërkombëtare e dhomave escape në botë. Eventi, më 19 dhe 20 tetor, do të përfshijë dymbëdhjetë ekipe nga e gjithë bota, të cilat arritën të zënë një vend të denjë midis më të mirave pas një..

botuar më 25-10-19 5.00.PD
Drejtori i Përgjithshëm i BNR-së Milen Mitev

Radioja Kombëtare Bullgare do të organizojë Konferencën Vjetore Ndërkombëtare të Mediave Publike

Radioja Kombëtare Bullgare (BNR) do të organizojë Konferencën Vjetore Ndërkombëtare të Mediave Publike. Forumi prestigjioz do të mbahet për herë të parë në Sofje nga 20 deri më 22 tetor me pjesëmarrjen e transmetuesve publikë nga 24 vende në pesë..

botuar më 25-10-17 5.14.MD