Për të dytën ditë, përfaqësuesit e popullit nuk arrijnë të bien dakord se kush duhet të drejtojë parlamentin e ri. Koalicioni GERB-SDS fitues i zgjedhjeve dhe ish-pushtetarët nga “Po e vazhdojmë ndryshimin” (PP) tërhoqën kandidaturat e kandidatëve të tyre, por nuk u arrit asnjë marrëveshje pasi askush nuk u paraqit në ftesën për takim të kryesisë nga PP.

• GERB tërheq kandidaturën e Rosen Zheljazkovit për kryetar të Kuvendit Popullor

Për votimin e radhës mbetën tri kandidatë - Jordan Conev nga DPS, Kristian Vigenin nga “BSP për Bullgarinë” dhe Cveta Rangellova nga “Vëzrazhdane”, por asnjëri prej tyre nuk arriti të mbledhë numrin e duhur të votave.

Para votimit, Kryetari i Nderit i Kuvendit Popullor, Vezhdi Rashidov, tërhoqi nominimin e tij.

Më 21 tetor deputetët do të bëjnë një provë të re për zgjedhjen e kryetarit të Kuvendit Popullor.

Ndërkaq, nënpresidentja Ilijana Jotova doli me qëndrimin se është më e rëndësishme që dita të mbyllet me zgjedhjen e kryetarit të Kuvendit Popullor. “Në këtë mënyrë do të zhbllokojmë shtetin dhe do të mund të funksionojmë normalisht si institucione”, komentoi ajo. Sipas nënpresidentit, me veprimet e tyre në parlament, formacionet politike avulluan fjalët e tyre gjatë fushatës zgjedhore.

• Ngërç në parlament – deputetët nuk mund të zgjedhin dot kryetar