Presidenti ukrainas Vollodimir Zelenski njoftoi se Rusia kreu më shumë se 8000 sulme ajrore dhe 4500 me raketa kundër Ukrainës. Vetëm në dy ditët e fundit, Kievi rrëzoi 23 dronë. Rusia orientoi dhjetëra raketa dhe dronë te rrjeti elektrik i Ukrainës gjatë dy javëve të fundit për të shkaktuar ndërprerje të rrymës elektrike, tha Zelenski.

Me kërkesë të Kievit, Agjencia Ndërkombëtare e Energjisë Atomike, IAEA, do të kryejë këtë javë një “Inspektim të pavarur” të deklaratave ruse për prodhimin e të ashtuquajturave bomba të pista në dy objekte në Ukrainë, dha udhëheqësi i IAEA Raphael Grossi.

Shtetet e Bashkuara i ofrojnë Ukrainës një paketë të re ndihme ushtarake me vlerë 275 milionë dollarë, e cila përfshin municione, njoftoi AR. Paketa e re përfshin kryesisht municione nga rezervat e Pentagonit, shtoi agjencia.

Shtetet e Bashkuara dhe aleatët e tyre kritikuan Rusinë për humbjen e kohës së Këshillit të Sigurimit të Kombeve të Bashkuara dhe përhap teori konspirative duke përsëritur akuzat se Shtetet e Bashkuara kanë “programe biologjike ushtarake” në Ukrainë, bëri të ditur Reuters. “Ne të gjithë e dimë se këto akuza janë trillime të pastra të bëra pa asnjë provë”, tha ambasadorja amerikane në OKB Linda Thomas-Greenfield. “Sa më shumë nga këto marrëzi duhet të durojmë?” pyeti në mënyrë retorike ambasadorja britanike në OKB Barbara Woodward në Këshillin e Sigurimit.