Gazi mund të bëhet më i lirë me 45për qind në nëntor, njoftoi drejtoresha ekzekutive e “Bullgargaz” Denica Zllateva para rregullatorit të energjisë. Çmimi i propozuar në Komisionin për Rregullimin e Energjisë dhe Ujit për muajin nëntor është 65 euro, krahasuar me 117 të muajit tetor. Rënia e çmimit vjen si pasojë e uljes së çmimeve në bursat ndërkombëtare dhe vënies në punë të interkonektorit të gazit me Greqinë, përmes të cilit vjen vëllimi i plotë i gazit të kontraktuar nga Azerbajxhani. Përveç mbajtjes së sloteve të gazit të lëngshëm në terminalin grek Revitusa, “Bullgargaz” po merr pjesë në tenderët për terminalet në Itali dhe Turqi për të siguruar furnizime për vitin 2023, tha Zllateva.

Depoja kombëtare e gazit në Çiren do të jetë plot 90 për qind te data 1 nëntori, tha për BNT kryetari i rregullatorit Ivan Ivanov.