“Karitas Bulgaria” nis një tjetër edicion të fushatës “Sepse JEMI NJERËZ!” për të mbështetur të moshuarit në të drejtën e tyre për të jetuar një pleqëri dinjitoze. Nëpërmjet saj, organizata katolike mbledh fonde për të ndihmuar 400 bullgarë të moshuar dhe të sëmurë nga 13 qytete dhe fshatra. Ideja është që njerëzit, të cilët shpesh lihen në vetvete dhe jashtë agjendës së shoqërisë, të kuptojnë se nuk janë të harruar dhe të vetëm.
Prej 20 vitesh “Karitas” ndihmon të moshuarit dhe të sëmurët nga i gjithë vendi përmes shërbimit “Kujdes në shtëpi”. Ekipet e lëvizshme të infermierëve dhe punonjësve socialë vizitojnë secilin prej atyre në nevojë dhe ndihmojnë në kujdesin shëndetësor, higjienën dhe jetën sociale.
Që nga viti 2002, në vendin tonë janë krijuar tetë qendra të kujdesit në shtëpi për të ndihmuar të moshuarit në rajonet e Sofjes, Plovdivit, Plevenit, Vracës, Ruses dhe Burgasit.
Përpiloi: Veneta Nikollova
Përgatiti në shqip: Vesella Mançeva
Bashkia e Gabrovos ka marrë fonde prej gati 17 milionë levash për zhvillimin e një "lugine inovacioni". Projekti parashikon transformimin e ish-shkollës “Radion Umnikov” në një qendër për aftësi dixhitale dhe inovacion, si dhe ndërtimin e një zone..
Në vitin 2005, Agjencia Ekzekutive për Bullgarët Jashtë Shtetit nisi takimin e parë të shkollave bullgare jashtë vendit – një ngjarje që u përsërit një vit më vonë, dhe në vitin 2007 u hodh hapi tjetër i madh: themelimi i Shoqatës së Shkollave Bullgare..
Instituti i Shkencave Kompjuterike, Inteligjencës Artificiale dhe Teknologjisë (INSAIT) në Universitetin e Sofjes "Shën Kliment Ohridski" prezantoi pesë punime shkencore në Konferencën Ndërkombëtare mbi Mësimin Automatik (ICML 2025), njoftoi..