Gjatë takimit me deputetët nga “Ngritja bullgare” për çështjet që kanë të bëjnë me buxhetin, kryetarja e BSP-së Kornelija Ninova bëri thirrje për një marrëveshje për ndryshime të arsyeshme ndërmjet leximit të parë dhe të dytë të buxhetit. Synimi është që të ketë garanci se nuk do të ketë vështirësi financiare kur të zgjatet për vitin e ardhshëm. Sipas Ninovës, “shumicat lundruese janë jashtëzakonisht të rrezikshme”, dhe bisedimet për një qeveri nuk po shkojnë mirë. Ndërsa kontradiktat dhe përplasjet politike vazhdojnë, po humbet koha për buxhetin, theksoi Ninova, duke shtuar: “Nuk mund t’i lëmë njerëzit në këtë gjendje gjatë dimrit”.

Lideri i “Ngritja Bullgare” Stefan Janev, nga ana e tij, insistoi në një qasje sistematike, në mënyrë që ndryshimet të jenë të balancuara dhe kostot sociale të mos jenë në kurriz të kredive të reja. Në të njëjtën kohë, duhet menduar edhe për një shumicë për të mbështetur një qeveri, theksoi Janev.