Në vitin 2022, Kori Miks i BNR hyri në sezonin e tij të 70-të, i cili vazhdon më 23 nëntor me një koncert në Klubin Qendror Ushtarak. Do të interpretohen vepra nga Apostoll Nikolaev-Strumski, Stefan Mutafçiev, Georgi Popov, Aleksandër Rajçev, Sllavill Dimitrov, Nikollaj Stojkov, Dimitër Ninov dhe të tjerë, si dhe "Misa Katolika Bulgarika" nga Juli Damjanov, me pjesëmarrjen e Georgi Bakërxhiev (daulle ). Solistë në program janë Velisllav Ninov, Vesella Todorova, Viktor Krëstanov, Dimitër Zashev, Nadja Pavllova, Srebrina Mineva - të gjithë janë këngëtarë nga radhët e ansamblit prestigjioz. Shoqërimi i pianos është i Monika Gvozdevës.
Ndër vite, Kori Miks i BNR-së ka dhënë koncerte në Gjermani, Francë, Britani të Madhe, Itali, Zvicër, Greqi, Japoni. Ai mori pjesë në produksione të mëdha operash, koncerte dhe regjistrime nën drejtimin e dirigjentëve të mëdhenj, duke përfshirë Herbert von Karajan, Georges Pretre, Claudio Abbado, Pierre Dervaux dhe të tjerë.
Në vitin 2014, kori i BNR-së u ftua të merrte pjesë në koncertin spektakolar "Europa këndon" në sheshin e Vjenës për datën 9 maj - Ditën e Evropës - një koncert i transmetuar drejtpërdrejt në dhjetëra stacione televizive dhe radio, pjesë e Unionit Evropian të Transmetuesve.
Prej vitit 2016, dirigjente e korit është Ljubomira Aleksandrova, e cila do të drejtojë edhe koncertin më 23 nëntor.
Ja dhe një nga himnet që do të luhet - "Beko shpirtin tim" nga Apostoll Nikollaev-Strumski (1886-1971), kompozitor dhe dirigjent i koreve të kishës.
Autor i muzikës, tekstit dhe aranzhimit është Dimitër Bodurov, një burrë nga një vendbanim i vogël që u vendos për të jetuar në qytetin Stara Zagora disa kohë më parë. Si një dashamirës i muzikës që në fëmijëri, ai regjistroi të gjitha këngët e tij..
Miqtë dhe adhuruesit do të nderojnë kujtimin e këngëtarit dhe kompozitor të njohur të pop-rokut Georgi Minçev , i cili u largua nga bota jonë 23 vjet më parë. Festivali i muzikës rok dhe blues "Lule për Gosho" zhvillohet më 7 dhe 8 shtator në..
“Mbrëmjet ballkanike” është një nismë që mbahet nga 5 deri më 8 shtator në Pitsbërg të Pensilvanisë, SHBA. Veprimtaria fillon sonte me punëtorinë muzikore "Vallet ballkanike" me udhëheqës Dimitër Hristov. Ditët në vijim - 6 dhe 7 shtator - do të..
Toma Zdravkovin e njohim si një nga zërat më karakteristikë të rokut bullgar. Pas një periudhe të ngopur me pjesëmarrje në formate televizive, ai..