Me një shumicë dërrmuese, eurodeputetët miratuan një rezolutë që e shpall Rusinë sponsor të terrorizmit. Nga gjithsej 12 eurodeputetë të Aleancës Progresive të Socialistëve dhe Demokratëve që votuan kundër rezolutës, 5 janë socialistë bullgarë. Votën negative të kolegëve të tij kryetari i delegacionit të socialistëve bullgarë, Petër Vitanov e motivoi kështu: “Nuk është e mundur që me këtë rezolutë të kërkohet kufizimi i të gjitha kontakteve diplomatike. Kjo do të thotë se ne nuk kërkojmë zgjidhje paqësore, negociata, por përshkallëzim të mëtejshëm. Me këtë retorikë të rëndë, për mendimin tim, Putinit iu zgjidhen duart. Shpalleni atë terrorist dhe pastaj praktikisht do t’i zgjidhësh duart për të bërë çfarë të dojë në Ukrainë, pa marrë parasysh asgjë.” Nga eurodeputetët bullgarë, Eva Majdell nga Partia Popullore Evropiane dhe Andrej Sllabakov nga Konservatorët dhe Reformistët Evropianë nuk morën pjesë në votim, njoftoi korrespondentja jonë Angelina Piskova nga Brukseli.