Pasi parlamenti hodhi poshtë projekt-kabinetin me mandat të GERB-SDS me kryeministrin prof. Nikollaj Gabrovski, bashkëkryetari i “Bullgarisë Demokratike” Hristo Ivanov deklaroi se koalicioni i tij tashmë është duke biseduar për një kabinet me partinë që duhet të marrë mandatin e dytë – “Po e vazhdojmë ndryshimin” ndonëse gjasat për një të tillë nuk janë të mëdha. “Në mungesë të një mazhorance të garantuar të koalicionit në parlament, nuk ka asnjë mënyrë për të pasur një kabinet të qëndrueshëm”, u argumentua ai.

Bashkëkryetari i “Po e vazhdojmë ndryshimin” Asen Vasilev i konfirmoi bisedimet dhe tha se nëse do të paraqitet një propozim nga mandati i dytë, ai do të jetë për qeveri të pakicës. Sipas tij, “Po e vazhdojmë ndryshimin” do të presë garancitë nga parlamenti se do të miratohen projektligjet që kanë të bëjnë me Planin për Rimëkëmbjen dhe Qëndrueshmërinë, reformën në drejtësi, ndryshimet në shërbime dhe buxhetin e ri, në mënyrë që një kabinet i pakicës të bëjë punën e tij edhe në mungesë të mbështetjes parlamentare.

• Bullgaria u afrua dy hapa më pranë zgjedhjeve të reja të parakohshme parlamentare