Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Pritet një vizitë e presidentit ukrainas në Uashington

Foto: Reuters

Më 21 dhjetor, presidenti ukrainas Vollodimir Zelenski do të vizitojë Shtetet e Bashkuara, njofton CNN, duke cituar dy burime të saj, një nga Policia Metropolitane. Pritet që ai të takohet në Shtëpinë e Bardhë me presidentin Joe Biden.

Sipas REUTERS, Zelenski gjithashtu mund të mbajë një fjalim në Kapitol. Kryetarja e Dhomës së Përfaqësuesve Nancy Pelosi u kërkoi të gjithë ligjvënësve që të jenë të pranishëm të mërkurën mbrëma në Kongresin Amerikan. Vizita përkon me synimin e administratës presidenciale për të dërguar një paketë të re ndihme ushtarake në Kiev në vlerë prej 1.8 miliardë dollarësh. Pritet që Pentagoni të dërgojë një bateri të mbrojtjes ajrore “Patriot” në Ukrainë, si dhe bomba ajrore të drejtuara shumë të sakta - JDAM - Joint Direct Attack Munition. Në fund të vitit, si pjesë e diskutimit të buxhetit federal, Kongresi do të miratojë gjithashtu ndarjen e 44.9 miliardë dollarëve ndihmë për Ukrainën në vitin 2023.

Vizita do të jetë dalja e parë e Zelenskit nga Ukraina që nga fillimi i agresionit rus. Vizita nuk është konfirmuar zyrtarisht, pasi për arsye sigurie është e mundur një ndryshim në orarin e planifikuar, tha një nga burimet.

Presidenti francez Emmanuel Macron në një intervistë për televizionet TF1 dhe LCI njoftoi se Parisi do t’i dërgojë Ukrainës armë të reja vetëlëvizëse Cezar me rreze të gjatë 155 mm. Macron shtoi se bateritë e mbrojtjes ajrore Crotale tashmë u dërguan.




Последвайте ни и в Google News Showcase, за да научите най-важното от деня!

Më shumë nga rubrika

Parashikimi i motit për 30 tetorin 2025

Të enjten temperaturat minimale do të jenë nga 1 deri në 6°, në Sofje – 2°. Pak më të ulëta në mëngjes do të jenë temperaturat në lugina, ku do të ketë kushte për ngrica. Para mesditës , në disa zona të ultësirave dhe luginave do të ketë ende..

botuar më 25-10-29 7.35.MD
Bozhidar Bozhanov

Si ministre e Jashtme, Maria Gabriel ka negociuar për heqjen e emrit të Pevskit nga lista “Magnitsky”

Maria Gabriel nga GERB ka bërë përpjekje për të hequr sanksionet “Magnitsky” ndaj Deljan Pevskit dhe personave të tjerë. Kjo ka ndodhur gjatë kohës kur ajo ka qenë zëvendëskryeministre dhe ministre e Punëve të Jashtme (nga 6 qershori 2023 deri më 9..

botuar më 25-10-29 6.23.MD

Sindikatat kundërshtojnë pagën minimale prej 605 eurosh, po përgatitin protestë

Dy sindikatat më të mëdha në Bullgari – Konfederata e Sindikatave dhe Pavarura dhe Konfederata e Punës “Podkrepa” – po organizojnë një veprim paralajmërues protestues para ndërtesës së Këshillit të Ministrave. Ajo është e planifikuar për 31 tetor,..

botuar më 25-10-29 2.54.MD