Bullgaria nuk u shiti apo ofroi vendeve të NATO-së avionë Su-25 të destinuara për Ukrainën. Këtë e bën të ditur Ministria e Mbrojtjes në përgjigje të një publikimi të agjencisë Bloomberg. Publikimi i Bloomberg citon uebsajtin holandez të analizës së mbrojtjes Oryx sipas të cilit Ukraina mori 14 avionë Su-25 “të blera nga Bullgaria nga vendet anëtare të NATO-s dhe të dorëzuara në Ukrainë”. Megjithatë, Bloomberg specifikon se të dhënat nuk mund të konfirmohen në mënyrë të pavarur.

Dy vjet më parë, Bullgaria riparoi 8 avionë sulmues Su-25, njëri prej të cilëve humbi në një aksident stërvitor. Në vendimin përfundimtar të Legjislaturës së 48-të të Kuvendit Popullor nga dhjetori, nuk shkruhet se vendi ynë do të sigurojë avionë luftarakë dhe pajisje të rënda, por vetëm armë të lehta dhe municione. Megjithatë, tema e sigurimit të mjeteve të blinduara dhe komplekseve raketore kundërajrore u diskutua gjatë vizitës së ministrit të mbrojtjes Dimitër Stojanov në Ukrainë vitin e kaluar. Ministria e Mbrojtjes përjashtoi opsione të tilla për shkak të mungesës së pajisjeve zëvendësuese për ushtrinë bullgare.

• Bullgaria mund të dërgojë zyrtarisht armë në Ukrainë
• Ministri bullgar i mbrojtjes ndodhet në Ukrainë