Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Akullnaja Kaliakra, Ujëvara e Akullit Ruen, Bregu Baba Marta – qindra vende në Antarktidë mbajnë emra bullgarë

7
Maja Shablla në malin Tangra në ishullin Livingston

Më 27 dhjetor të vitit të kaluar, për herë të parë, një anije kërkimore shkencore bullgare – Shënjtor Kirill dhe Metodij” - u nis drejt Oqeanit Botëror për të mbërritur në Antarktidë si pjesë e Ekspeditës së 31-të bullgare në Antarktidë. Anija aktualisht është duke lundruar pemës Oqeanit Atlantik në rrugën e saj për në ndalesën e dytë të udhëtimit në ishullin Livingston - Mar del Plata në Argjentinë. Ekuipazhi pritet të mbërrijë atje në fillim të shkurtit, shpirti i marinarëve është i lartë, njoftoi kapiteni i rangut të III-të Hristo Hristov për BTA.


Baza polare bullgare ndodhet në ishullin Livingston dhe mban emrin “Shën Klimenti i Ohrit”. Ajo u themelua në vitin 1988, nja 130 m nga bregu i Gjirit të brendshëm Emona, i cili është në një zonë që shfrytëzohet për transferimin e personelit dhe ngarkesave me varka fryrëse. Në verë, Rrjedha Rezovo kalon prej këtu, duke siguruar furnizimin e nevojshëm me ujë.


Gadishulli Varna, Akullnaja Kaliakra, Mali Tangra, Kepi Botev dhe Maja Levski, këto janë disa nga emrat e shumtë bullgarë të objekteve gjeografike tëshpërndara nëpër ishullin Livingston. Pikërisht 20 vjet më parë, presidenti i atëhershëm Georgi Përvanov nxori një dekret që u jepte emra bullgarë këtyre objekteve. Me të njëjtin dekret u emëruan edhe vende të tjera në ishull, si Lartësitë e Vidinit apo Kreshta e Melnikut, Gadishulli Rozhen, Majat Simeon, Shën Kirill, Tervell, Gabrovo, Elena dhe Shablla, Akullnajat Peshtera, Sopot dhe Srebërna, Kreshta Veleka, Kepi Samuill etj.


Bullgaria u shpall vend antarktik pas nënshkrimit të Traktatit të Antarktidës në vitin 1978 pa të drejtë vote. Në vitin 1998, vendi ynë u pranua si anëtar i përhershëm i organizatës dhe së bashku me 26 vende të tjera ka të drejtën e vetos për të gjitha çështjet që kanë të bëjnë me fatin e kësaj të dhjete të planetit.

Për herë të parë, objekte gjeografike në kontinentin e akullt u emëruan me emra bullgarë që në vitin 1996. Atëherë me dekret presidencial, një kodër në ishullin Livingston u quajt Sinemorec dhe një majë tjetër u emërua sipas kryeqytetit tonë të vjetër, Pliska. Në atë kohë në hartën e Antarktidës u shfaq edhe mali Hemus, i cili ishte emri i dikurshëm i malit Stara Planina, si dhe Rrafshnalta Ballkan. Një vit më vonë u emëruan edhe Akullnaja Tërnovo, Ujëvara e Akullit Ruen dhe Shala e Malit Nesebër …

Majat Zograf dhe Ljaskovec në malin Tangra

Emrat më të fundit gjeografikë bullgarë të Antarktidës janë të vitit 2021, kur me dekret të kreut të shtetit Rumen Radev u emëruan dhjetë objekte gjeografike në ishull. Midis tyre janë gjiret Goljam dhe Mallëk Seçko, si dhe bregu Baba Marta. Dhe një vijë bregdetare tashmë mban emrin e Anka Llambreva - gruaja e parë bullgare që fluturoi mbi Kanalin e la Manshit me aeroplan dhe gruaja e parë bullgare që udhëtoi nëpër botë.

Shikoni më shumë:

Përpilues: Veneta Nikollova

Përgatiti në shqip: Svetllana Dimitrova

Foto: BGNES, Instituti Antarktik Bullgar, bg.wikipedia.org




Последвайте ни и в Google News Showcase, за да научите най-важното от деня!

Më shumë nga rubrika

Në Bullgari, 26 marsi është Dita e Trakisë

26 Marsi është Dita e Trakisë – kështu data është e regjistruar në kalendarin zyrtar bullgar në vitin 2006, por festohej disa dekada më parë. Në këtë datë të vitit 1913, ushtria bullgare pushtoi Kështjellën e Edrenesë të konsideruar në atë kohë "të..

botuar më 24-03-26 3.13.MD

"Refugjatët" - një histori për të dëbuarit dhe të shpëtuarit në Bullgari

Ikja nga vendlindja dhe toka amtare dhe udhëtimi i gjatë përmes të huajës dhe të panjohurës - fati i të gjithë refugjatëve është i ngjashëm ndër vite, dhe arsyet janë gjithmonë të njëjta. Njerëzit dëbohen për shkak të luftës ose besimeve fetare, për shkak..

botuar më 24-03-21 7.15.PD

Ne hyjmë në Kreshmë pa një bari shpirtëror

“Dhe na i fal borxhet tona, sikurse edhe ne i falim borxhlinjtë tanë...” Çdo i krishterë kujton kuptimin e kësaj fraze nga Lutja e Zotit, sepse mësimi i Krishtit për dashurinë dhe faljen është krijuar rreth saj. Ai e di se ai që nuk është..

botuar më 24-03-17 10.05.PD