Bullgaria dhe Serbia do të punojnë për një konektivitet shtesë midis dy vendeve. Tashmë javën e ardhshme, një grup pune mes dy vendeve fillon përgatitjet për zhvillimin e një projekti për një lidhje të dytë hekurudhore ndërkufitare, si dhe për ndërtimin e dy terminaleve intermodale në Serbi dhe Bullgari. Kjo u bë e qartë në një takim të ministrit bullgar të transportit Hristo Aleksiev me homologun e tij serb Goran Vesiç në Pirot të Serbisë. Aleksiev theksoi se me pezullimin e trafikut të trenave ndërmjet Serbisë dhe Bullgarisë për më shumë se 20 ditë pas aksidentit hekurudhor në dhjetor pranë Pirotit, u bë e qartë nevoja e një alternative për transportin hekurudhor ndaj seksionit Sofje-Dragoman-Dimitrovgrad-Nish. Aleksiev theksoi se ndërtimi i një rruge alternative hekurudhore ndërmjet dy vendeve do të kontribuojë në lehtësimin e trafikut hekurudhor ndërkombëtar.