Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Është e mundur që Franca t’i sigurojë Ukrainës aeroplan gjuajtës

Emmanuel Macron
Foto: EPA/BGNES

Ukraina mund të marrë armë nga pala franceze, por së pari duhet të deklarojë se çdo armë “nuk do të jetë e një natyre përshkallëzuese” dhe se “nuk do të ketë gjasa për goditje në territorin rus, por do të jetë vetëm në ndihmë të përpjekjeve të rezistencës”. Vetëm në këto kushte Franca do të pranonte të merrte një vendim për të mbështetur palën ukrainase, por pa dobësuar kapacitetet e forcave të armatosura franceze. Kjo u bë e qartë pas bisedimeve mes kryeministrit holandez Mark Rutte dhe presidentit francez Emmanuel Macron, i cili paralajmëroi për rrezikun e përshkallëzimit të konfliktit.

Në një intervistë të gjerë për agjencinë “Novosti”, zëvendësministri Sergej Rjabkov deklaroi se Moska i përmbush me ndërgjegje dhe plotësisht të gjitha kufizimet sasiore dhe cilësore të përcaktuara në Traktatin për Armët Sulmuese Strategjike. Në të njëjtën kohë, ai akuzoi Uashingtonin për shkeljen e preambulës së marrëveshjes dypalëshe, ku shkruan se palët “po punojnë për të forcuar marrëdhëniet e reja strategjike të bazuara në besimin reciprok, transparencën, parashikueshmërinë dhe bashkëpunimin”. Sipas Rjabkov, vazhdimi i konsultimeve për traktatin është objektivisht i pamundur në një kohë kur “forcat e bashkuara të Perëndimit kanë kaluar tashmë nga një luftë hibride kundër Rusisë në një luftë pothuajse reale”, njoftoi korrespondenti i BNR në Moskë Angell Grigorov.

Ndërkohë, ambasadorja e re e Shteteve të Bashkuara në Rusi, Lynn Trejsi, dorëzoi letrat kredenciale në Ministrinë e Punëve të Jashtme dhe mori zyrtarisht detyrën. Ambasada amerikane në Moskë siguron se ambasadori i ri do t’i kushtojë “vëmendje të veçantë dialogut mes dy kryeqyteteve në një periudhë tensioni të paprecedentë” dhe se do të sigurojë trajtimin e drejtë të të gjithë amerikanëve të ndaluar në Rusi, thekson korrespondenti ynë.




Последвайте ни и в Google News Showcase, за да научите най-важното от деня!

Më shumë nga rubrika

Mungesa e bashkëpunimit nga Afganistani ndaloi procesin gjyqësor kundër trafikantëve të migrantëve

Procesi gjyqësor për vdekjen e 18 refugjatëve, të cilët humbën jetën nga mbytja në një kamion të gjetur pranë fshatit Llokorsko, afër Sofjes, në shkurt 2023, nuk mund të nisë. Shkaku është mungesa e përgjigjes nga Ambasada e Afganistanit. Nuk është e..

botuar më 25-08-06 12.39.MD

Instituti INSAIT në Sofje është bashkëorganizator i një konkursi në SHBA për inteligjencën artificiale

Instituti për Shkenca Kompjuterike, Inteligjencë Artificiale dhe Teknologji (INSAIT), që funksionon pranë Universitetit të Sofjes, do të jetë bashkëorganizator i konkursit Physics-IQ Challenge, njoftoi universiteti. Konkursi do të zhvillohet në kuadër..

botuar më 25-08-06 11.02.PD

Investitorë nga SHBA po shqyrtojnë mundësinë për të marrë pjesë në depozitën e gazit në Çiren

Investitorë amerikanë ndodhen këtë javë në Sofje për negociata me autoritetet bullgare lidhur me zgjerimin e depozitës së gazit në Çiren – një projekt që mund të shndërrohet në një fushë të re përballjeje midis mbështetësve dhe kundërshtarëve të..

botuar më 25-08-06 9.12.PD