Të shtunën, më 4 shkurt, Bullgaria dhe Republika e Maqedonisë së Veriut shënuan 151 vjetorin e lindjes së revolucionarit Goce Dellçev në një situatë të tensionuar të marrëdhënieve mes dy vendeve. Sipas informacioneve të Ministrisë së Brendshme bullgare, autoritetet maqedonase nuk kanë lejuar shtetas bullgarë të hyjnë në territorin e Maqedonisë së Veriut, njoftohet gjithashtu për një “listë jozyrtare ndalimi”.
Delegacioni bullgar, i kryesuar nga zëvendëskryeministri dhe ministër i punëve të brendshme të Republikës së Bullgarisë, Ivan Demerxhiev, bëri homazhe dhe vendosi kurorë lulesh te varri i Goce Dellçevit në kishën e Shën Spasit në Shkup. Sipas Demerxhiev, ka pasur tentime të ndryshme për provokim, por pala bullgare ka mbajtur sjelljen më korrekte të mundshme në situata të tilla.
“Respekti i ndërsjellë që i shprehim popullit të Maqedonisë së Veriut dhe garancitë që morëm nënkuptojnë pikërisht këtë – t’u japim të gjithëve mundësinë që të vijnë dhe të nderojnë kujtimin e Goce Dellçevit”, theksoi Demerxhiev dhe shtoi se marrëdhëniet mes dy popujve tanë nuk nënkuptojnë masa të tilla drakoniane siç dëshmuan qytetarët bullgarë në kufi.
“Arsyet për të mos lejuar qytetarët bullgarë të përkulen para kujtimit të Goce Dellçevit më 4 shkurt në Shkup janë jashtëzakonisht jo bindëse dhe shkelin garancitë e dhëna më parë. Këtë e tha për bTV zëvendësministri i punëve të jashtme dhe zëdhënës i ministrisë, Kostadin Koxhabashev.
“Qëndrimi i pushtetarëve në Maqedoninë e Veriut është poshtërues dhe i papranueshëm ndaj popullit bullgar dhe Bullgarisë - tha zëdhënësi. - Besojmë kategorikisht se veprimet e autoriteteve maqedonase kanë dëmtuar rëndë rivendosjen e besimit midis Shkupit dhe Sofjes. Gjithnjë e më e vështirë po bëhet për ne të dallojmë në sjelljen e autoriteteve në Shkup një dëshirë për të krijuar besimin, miqësinë dhe bashkëpunimin e nevojshëm.”
Koxhabashev theksoi se Sofja do t’i mbajë të hapura kanalet diplomatike. Ai gjithashtu komentoi se nuk ka sesi të vendoset veto për integrimin evropian të Maqedonisë së Veriut në BE, sepse realisht nuk ka filluar. Për të filluar, Maqedonia e Veriut duhet të përfshijë qytetarët maqedonas me vetëdije bullgare në kushtetutën e saj.
“Bullgaria do të reagojë gjithmonë kur preken të drejtat dhe siguria e qytetarëve bullgarë dhe atyre qytetarëve me identitetin bullgar. Kjo është kërkesa jonë kategorike dhe pala maqedonase e di shumë mirë këtë insistim tonë”, theksoi edhe zëvendësministri.
Përpilues: Ivo Ivanov
Përgatiti në shqip: Svetllana Dimitrova
Edi Rama kërkon një vend në Athinë për të takuar diasporën shqiptare Të gjitha partitë në Greqi kanë deklaruar se vizita e kryeministrit shqiptar Edi Rama në Athinë është e padëshirueshme. Ai kërkon të takohet me diasporën shqiptare më 12..
Nga ora 00:00 e datës 10 maj, Bullgaria është në një fushatë zgjedhore 30 ditore. Kjo është fushata e gjashtë për një parlament kombëtar brenda 3 viteve e gjysmë. Megjithatë, e veçanta është se tani për besimin e zgjedhësve do të konkurrojnë si..
Në Ditën e Evropës , le të urojmë për një Bashkim Evropian që vazhdon të ndërtojë unitetin e tij mbi parimet e demokracisë dhe paqes. Kështu tha presidenti Rumen Radev pas vendosjes së luleve para monumentit të Luftëtarit të Panjohur me rastin e..
Maqedonia e Veriut nuk ka politika të qëndrueshme ndaj fqinjëve të saj, tha Ali Ahmeti në mbledhjen e Këshillit të Përgjithshëm të Bashkimit Demokratik..
Qeveria e përkohshme e përmbushi me sukses detyrën e saj kryesore – organizimin e zgjedhjeve të drejta dhe transparente për Asamblenë Kombëtare dhe..
Qëllimi i parë dhe më i rëndësishëm është miratimi i një buxheti. Synimi i dytë është Plani i Rimëkëmbjes dhe Qëndrueshmërisë. Eurozona është një..