Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Programet e Radios Kombëtare Bullgare me një gjest solidariteti me të dëmtuarit e tërmetit në Turqi dhe Siri

Foto: YouTube

Në orën 09:45 fiks me orën bullgare, më 15 shkurt, programet e Radios Kombëtare Bullgare do të transmetojnë në valët kombëtare dhe rajonale këngën “Njerëzit ndihmojnë njerëzit” e interpretuar nga këngëtarja e re britanike Birdy. Në këtë mënyrë radioja publike në vendin tonë mbështet nismën e Radiotelevizionit Publik Holandez NPO, për solidaritet me të dëmtuarit e tërmeteve shkatërruese që goditën Turqinë dhe Sirinë.

“Radioja prek emocionet tona dhe muzika është një gjuhë universale. Kjo tragjedi kërkon që të jemi të bashkuar, të ndërtojmë ura dhe të bashkojmë forcat për të ndihmuar dhe për të shprehur mbështetjen tonë” - theksoi drejtori i radios holandeze NPO 3FM Menno de Boer.

Numri i viktimave të tërmeteve në Turqi dhe Siri kaloi 37 500 veta, dhe dhjetëra mijëra të tjerë humbën të dashurit e tyre, shtëpinë, shpresën... Në përjetësinë mes tronditjes dhe dëshpërimit, shpresa e vetme është te ndihma që vjen nga njerëzit - në kohë dhe nga kudo. Prandaj dhe sot radiostacionet evropiane do të transmetojnë këngën “Njerëzit ndihmojnë njerëzit” në interpretim të këngëtares 26-vjeçare britanike Birdy, fituese e çmimit “Këngëtarja e Vitit” të Çmimeve të Muzikës Pop 2022. Kënga “Njerëzit ndihmojnë njerëzit” është një këngë e grupit britanik Cherry Ghost nga viti 2007. Birdy bri një version të saj në vitin 2011. Videoja monokrome e këngës ka mbi 193 milionë shikime në Youtube.

Redaktor: Elena Karkallanova

Përgatiti në shqip: Svetllana Dimitrova




Последвайте ни и в Google News Showcase, за да научите най-важното от деня!

Më shumë nga rubrika

Faqja “Berlini Bullgar” fiton gjithnjë e më shumë admirues

Hapësira virtuale, në të cilën mund të gjeni informacion për restorantet bullgare në territorin e Berlinit, shërbimet që ofrojnë bashkatdhetarët tanë – zejtarë, si edhe adresat dhe numrat e telefonit për kontakt me mjekët tanë që punojnë në territorin e..

botuar më 25-10-22 8.00.MD

Besimi në mediat publike - çelësi i ekzistencës së tyre

Si të ruhet dhe mirëmbahet besimi i publikut në media - kjo është tema qendrore për pjesëmarrësit në Konferencën Vjetore të Shoqatës Ndërkombëtare të Mediave Publike, e cila po zhvillohet në Sofje. Eventi, i organizuar nga Radioja Kombëtare..

botuar më 25-10-22 11.46.PD
Docent dr. Natalija Rashkova

Studimet e një shkencëtareje bullgare japin drejtime të reja në etnologji

Kur kontributi në fushën e shkencës kthehet në bazë për studime të mëtejshme të thelluara, kufijtë midis shteteve dhe kontinenteve sikur shkrihen – në kuptimin e drejtpërdrejtë dhe në atë figurativ. Pikërisht kjo ndodhi gjatë konferencës shkencore..

botuar më 25-10-21 8.00.MD