Më 16 shkurt të vitit 1898 doli buletini i parë i Agjencisë Telegrafike Bullgare - BTA. Është shkruar në Sofje me dorë, personalisht nga drejtori i parë Oskar Iskander - doktor i filozofisë, redaktor dhe botues. Në buletin u përfshin 7 lajme - për gjendjen shëndetësore të princeshës Klementina, e cila ndodhej në Vjenë, për tentativën ndaj mbretit grek Georgios I dhe për ratifikimin e një marrëveshjeje tregtare midis Rumanisë dhe Turqisë. Buletini përfundon me çmimet e grurit, misrit dhe tërshërës të tregjeve të aksioneve të Vjenës, Budapestit dhe Marsejës. Në nr. 36 të “Gazetës së Shtetit” nga 17 shkurti 1898 në rubrikën “Telegramet” u botuan tri informacionet e para.
BTA, e cila ishte drejtpërdrejt në varësi të Ministrisë së Jashtme, “lut të gjithë redaktorët e gazetave në principatë që botojnë telegramet e saj t’i titullojnë secili si: “Telegramet e Agjencisë Telegrafike Bullgare” që të dihet origjina e tyre”.
Sot BTA ka 25 klube shtypi në vend dhe 5 jashtë vendit, ndërsa që nga viti 2005 organizon takime botërore të mediave bullgare në mbarë botën me pjesëmarrjen e gazetarëve nga Bullgaria dhe komunitetet bullgare jashtë vendit. Nga mesi i vitit 2021, agjencia e vuri fillimin e një program për të mbështetur shkencën dhe arsimin në Bullgari, në partneritet me universitetet dhe shkollat kryesore.
Përvjetori i themelimit të Agjencisë Telegrafike Bullgare do të shënohet me një koncert të Filarmonisë së Sofjes me dirigjent Emill Tabakov. Në mesin e të ftuarve janë edhe presidenti i Këshillit Botëror të Agjencive të Lajmeve dhe shef ekzekutiv i grupit mediatik britanik, “Press Association Media Group” Clive Marshall, si dhe përfaqësues të organizatave ndërkombëtare të agjencive të lajmeve, anëtare e të cilave është BTA.
Me gjallërinë, disponimin dhe ngjyrat rinore të tyre, nxënësit e shkollës bullgare të së dielës “Dr. Petër Beron” sollën frymë rinore gjatë vizitës së tyre në Radion Kombëtare Bullgare. Ata kishin ardhur nga Larnaka. Grupi nga Qiproja, i përbërë nga 16..
Sofja ka fituar një parajsë të re kulturore. Phenomena është muzeu i parë në Bullgari i dedikuar lidhjes midis shkencës dhe artit. Hapësira paraqet zbulime shkencore, teknologji, inxhinieri, art dhe matematikë në frymën e arsimit STEAM (Science,..
"Ne nuk mund të ikim nga teknologjitë bashkëkohore, por duhet të mendojmë si mund të përdorim inteligjencën artificiale në mënyrë që të përmirësojmë cilësinë e arsimit pa humbur kontaktin njerëzor" – tha në një intervistë të veçantë për Radio Bullgarinë..
Këtë vit Krishtlindja “mbërriti” në Sofje që në nëntor, me aromë të verës së ngrohtë, kanellës dhe magjisë festive. Radio Bullgaria ju rekomandon të..