Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Është duke u zhvilluar procedura për njohjen e komunitetit bullgar në Kosovë

Foto: president.bg

Në kuadrin e vizitës së saj në Kosovë me rastin e 15 vjetorit të shpalljes së pavarësisë së vendit nënpresidentja Ilijana Jotova vizitoi zonat ku jetojnë kosovarë me vetëdije bullgare. Ajo u takua me përfaqësues të shoqatës “Bullgarët e bashkuar në Kosovë” në Kërstec, si dhe me anëtarë të “Shoqërisë Kulturore dhe Arsimore të Bullgarëve në Zhupë, Podgorë dhe rajon”, transmetoi BTA.

Në Kosovë nuk ka minoritet bullgar të njohur zyrtarisht. Komuniteti bullgar, i cili është rreth 15 000 veta, është pjesë e popullsisë së komunës së Dragashit, ku përfaqësohet në 20 fshatra, Prizrenit me 19 fshatra, Rahovecit dhe Shtërpcës, ku ka 10 fshatra me bullgarë.

Në janar 2023, ata paraqitën një peticion të dytë në Parlamentin e Kosovës duke kërkuar që të njihen si komunitet i pavarur. Jotova në takimin me bashkatdhetarët deklaroi se pas bisedimeve me përfaqësuesit e Kosovës dhe presidenten Vjosa Osmani, në personin e saj sheh garant që nënshkrimet kësaj radhe nuk do të humbasin siç ndodhi në vitin 2018 dhe do të kalojnë nëpër Kuvend. Osmani propozoi që derisa procedurat për marrjen e statusit të komunitetit janë duke vazhduar, bullgarët në Kosovë të kenë përfaqësuesin e tyre në Këshillin Konsultativ për Pakicat Kombëtare.

Ndër pjesëmarrësit në takim ishin bullgarë nga Kosova, të diplomuar në arsimin e lartë në Bullgari dhe studentë aktualë. Komuniteti bullgar pranoi me dëshirë dhe gatishmeri synimin për organizimin e shkollave të së shtunës dhe të së dielës në qytetet më të mëdha për të mësuar gjuhën moderne bullgare, e cila do të ndihmonte edhe në ndjekjen e mëtejshme të arsimit të lartë në Bullgari, por edhe për ruajtjen e traditave dhe kulturës.

Nënpresidentja Jotova u dhuroi të dyja shoqërive libra në gjuhën bullgare.



Последвайте ни и в Google News Showcase, за да научите най-важното от деня!

Më shumë nga rubrika

Kryeministri Rosen Zheljazkov dhe lideri i GERB Bojko Borisov

GERB dhe DPS – Fillimi i Ri janë kundër zgjedhjeve të parakohshme

Nuk është koha për zgjedhje, tha kryeministri Rosen Zheljazkov në një forum të partisë GERB. Ai u shpreh kundër zgjedhjeve gjatë futjes së euros në vend në vitin 2026. “Ne kemi nevojë për një shumicë të qëndrueshme parlamentare me një angazhim..

botuar më 25-10-17 1.51.MD

Bullgarët dhe gagauzët në Moldavi janë të rezervuar ndaj perspektivës evropiane të vendit

Zgjedhjet parlamentare në Republikën e Moldavisë të mbajtura më 28 shtator 2025 shënuan një fitore vendimtare për partinë në pushtet – Partia e Veprimit dhe Solidaritetit (PAS). Rezultati u interpretua nga shumëkush si një konfirmim i kursit pro-evropian..

botuar më 25-10-14 7.20.PD

Ngjarjet me adresë ballkanike

Sanksionet amerikane ndaj kompanisë serbe të naftës hyjnë në fuqi Që nga 9 tetori, kanë hyrë në fuqi sanksionet e Shteteve të Bashkuara të Amerikës ndaj kompanisë serbe të naftës NIS – "Industria e Naftës së Serbisë", raportoi Radio Televizioni i..

botuar më 25-10-11 9.10.PD