145 vjetori i Çlirimit të Bullgarisë festohet jo vetëm në vend, por edhe nga bullgarët jashtë vendit. Lutje për të vdekurit në betejat nacionalçlirimtare do të bëjë sot prifti bullgar në Qipro, At Stanisllav Simeonov, në kuadër të festës së 3 marsit në shkollën bullgare "Iluministët e Popullit" në qytetin e Paralimnit. Në kryeqytetin qipriot Nikozi po mbahen "Ditët e Bullgarisë 2023" dhe "25 vjet Bashkimi i Bullgarëve në Qipro". Një koncert festiv do të mbahet më 4 mars në qytetin e Limasolit me iniciativën e Unionit të Bullgarëve të qytetit, klubit kulturor bullgar "Vëzrazhdane" dhe shkollës bullgare "Shën Kliment Ohridski”. Në të do të marrë pjesë këngëtari i dashur Orlin Goranov, njofton korrespondentja jonë Branisllava Bobanac.
Në shtetin Ohajo të SHBA-së, 3 marsi u shpall Dita e Bullgarisë. Kjo është bërë me një proklamatë të guvernatorit Mike DeWine, në të cilën thuhet se kjo është në shenjë vlerësimi dhe respekti për kontributin e emigrantëve maqedonas dhe bullgarë, të cilët kanë kontribuar shumë në prosperitetin social, ekonomik dhe kulturor të shtetit, raporton korrespondentja jonë Elena Caneva.
Të dielën, më 5 mars, bullgarët në Afrikën e Jugut do të mblidhen në Qendrën Kulturore Bullgare për të kremtuar festën me një program të përgatitur nga fëmijët e shkollës bullgare të së dielës "Sllënço" dhe grupi i vallëzimit "Trëndafili bullgar".
“Për Çlirimin e Bullgarisë dhanë jetën mijëra ushtarë rusë, ukrainas, finlandezë, rumunë, serbë, si dhe mijëra bij besnikë të popullit bullgar”. Këtë e theksoi në fjalimin e tij me rastin e festës, kryetari i Shoqatës së Bullgarëve në Ukrainë, Anton Kise. Ai kujtoi se në ushtritë bullgare që kanë luftuar për çlirimin tonë kanë marr pjesë rreth 1000 bullgarë besarabë, mes tyre Danaill Nikollaev, Stefan Ljubomski, Stefan Kisov, Avram Guxhev etj. Në shenjë nderimi për kujtimin e paraardhësve që u flijuan për lirinë e Bullgarisë, me iniciativën e Shoqatës në vitin 2012 në Bollgrad u ngrit një Memorial i luftëtarëve bullgarë.
Foto: Biljana Nikollova, Shoqata e Bullgarëve në Ukrainë
"Më 13 shkurt të këtij viti, konsumatorët bullgarë nuk duhet të blejnë produkte në asnjë dyqan ushqimor, në asnjë zinxhir ndërkombëtar, në asnjë supermarket! Më 13 shkurt, dyqanet ushqimore duhet të mbeten bosh dhe të mos ketë asnjë blerës në to!" – për..
Universiteti Teknik në Sofje është ndoshta i vetmi në Bullgari që përveç bullgarishtes ofron shkollimin bachelor dhe master edhe në tri gjuhë të tjera - anglisht, gjermanisht dhe frëngjisht, shkruan gazeta "24 Çasa". Gjigantët globalë si IBM, NIDEC, Shwarz..
Në mes të janarit të këtij viti tetë shoqata kulturore dhe arsimore bullgare nga Bosilegradi, Caribrodi, Zvonci, Vranja, Pirot dhe Niš i dërguan një letër të hapur Presidentit të Serbisë Aleksandër Vuçiq, Avokatit të Popullit Zoran Pašalić, Delegacionit të..
152 vjet pasi Bullgaria humbi birin e saj të dashur, luftëtar për një shtet të lirë, të pavarur dhe tolerant - Vasill Levski, personaliteti i tij vazhdon..
“Vendi në Francë ku së bashku vizatojmë të ardhmen bullgare të fëmijëve tanë” – kështu e përshkroi Janeta Dimitrova vendin e saj të punës – Shkollën..
Pjesërisht me re
Vranësira të dendura