Sot bota feston arritjet e grave pavarësisht nga dallimet kombëtare, etnike, gjuhësore, kulturore, ekonomike dhe politike mes tyre. Në Bullgari 8 Marsi festohet edhe si Dita e Gruas dhe e Nënës.
Pikërisht nënës i kushtohet kënga më e re në repertorin e këngëtares Antonija Markova – “Mama”, me muzikë dhe aranzhim të muzikantit Krasi Gjulmezov dhe tekst të Marieta Angellova.
E lindur në vitin 1985, Antonija Markova e zbuloi dashurinë e saj për muzikën që në moshë të vogël. Një nga shkollimet e saj të larta ishte në Akademinë e Muzikës, Valleve dhe Arteve të Bukura në qytetin Plovdiv, ku studioi këndimin pop dhe xhaz. Me kalimin e viteve, dëshira e saj për skenën u intensifikua dhe filloi të prezantohet në një sërë konkursesh prestigjioze kombëtare dhe ndërkombëtare për interpretues të rinj, nga të cilat kthehej si fituese dhe mbajtëse e dallimeve më të larta.
Antonija Markova është një talent i vlerësuar në mbi 20 vende. Në vitin 2015 në vetëm një vit kalendarik ajo fitoi 8 statuja GRAND PRIX nga konkurset serioze ndërkombëtare të muzikës në Rusi, Ukrainë, Kroaci, Maqedoni, Moldavi, Maltë, Rumania, Lituania, Turqia, ku ishte përfaqësuesi i vetëm i Bullgarisë.
Për këngën e re “Mama”, Antonija Markova shprehet: “Kënga i kushtohet nënës sime, e cila është shembulli im më i vërtetë i forcës së shpirtit, por është edhe një mesazh për vajzën time, e cila është besimi dhe frymëzimi im për ditën e nesërme. Në video, e cila u xhirua në qytetin tim të lindjes Plovdiv, jemi tri breza grash - unë, nëna ime dhe vajza ime. Ky është një rrëfim shumë emocionues personal në të cilin besoj se shumë njerëz do ta zbulojnë veten. Ajo është dhurata ime nga të gjitha vajzat për të gjitha nënat!”
Përgatiti në shqip: Svetllana Dimitrova
Facebook/ Antonia Markova
Folklori bullgar preokupon prej kohësh muzikantë nga e gjithë bota me veçantinë dhe mundësitë e tij të pashtershme. Një shembull tjetër i një prirjeje të tillë është bashkëpunimi mes muzikantëve Daniell Verstapen dhe Nina Nikolina. Në dy koncertet e..
Tambura nuk është aspak vegla muzikore më popullore e zgjedhur nga instrumentistët për të performuar në skenat botërore. Të luash tambura në mënyrë moderne, me repertor në zhanre dhe stile të ndryshme, nuk është punë për amatorët. Për ta zbutur këtë..
"Bora e kujtimit" është një nga këngët emblematike të muzikantit të ndjerë Georgi Minçevit . Dy miq të tij - Mihaill Bellçev dhe Kirill Kalev - e thurën në këngën e tyre "Në vend të përgjigjes" si nderim për të paharruarin Georgi Minçev, të cilit..
Mbrëmjen e sotme në fshatin Kërpaçevo, rajoni i qytetit Lloveç, hapet festivali i dhjetë “Xhazi nën yjet e Pllajës Devetashko”, i cili vazhdon deri të..
Këngëtari në zë Grafa më 28 qershor nis “Turneun më të lumtur” me një koncert në Teatrin Veror në qytetin Stara Zagora. Në thelbin e turneut të madh..