Prodhuesit e drithërave nga Bullgaria Veriore dolën për të protestuar. Me mbi 50 traktorë, fermerë nga rajonet e qyteteve Ruse, Pleven dhe Veliko Tërnovo bllokuan për një kohë të shkurtër rrugën Ruse-Pleven afër fshatit Gorna Studena. Importet pa taksa të grurit dhe lulediellit nga Ukraina do të çojnë në falimentimin e kooperativave bujqësore, sepse çmimet më të ulëta e bëjnë prodhimin bullgar jo konkurrues, thanë protestuesit. Ata insistojnë edhe në shtyrjen e planit strategjik në bujqësi, sepse do të humbasin subvencionet evropiane.  Të pakënaqurit pranuan një deklaratë proteste për ministrin e bujqësisë dhe qeverisë së përkohshme, në të cilën deklarojnë se depot janë plot me grurë të pashitur dhe nuk mund të paguajnë kontraktorët e tyre.